Pavlodar oblysynda 183 sheteldik zańsyz júrgeni úshin Qazaqstannan shyǵaryldy, dep habarlaıdy Dalanews.kz.
Pavlodar oblystyq Polısıa departamentiniń málimetinshe, 2025 jyldyń 11 aıynda óńirde turaqty turýǵa ruqsaty bar 1 280 jáne ýaqytsha turýǵa ruqsaty bar 9 136 shetel azamaty tirkelgen.
Vıza berý nemese turýǵa ruqsat rásimdelý barysynda mıgrasıalyq qyzmetkerler sheteldikterdiń elde bolý zańdylyǵyn tekseredi.
"Mıgrasıalyq zańnamany buzý faktileri anyqtalǵan jaǵdaıda dereý tıisti sharalar qabyldanady", – deıdi polısıa ókilderi.
Atalǵan kezeńde sheteldikterge qatysty túrli quqyq buzýshylyqtar boıynsha 2 001 ákimshilik materıal toltyrylǵan. Mıgrasıalyq zańnamany buzǵany úshin sot sheshimimen 183 sheteldik Qazaqstan Respýblıkasynyń aýmaǵynan shyǵaryldy.
