Павлодар облысында 183 шетелдік заңсыз жүргені үшін Қазақстаннан шығарылды, деп хабарлайды Dalanews.kz.
Павлодар облыстық Полиция департаментінің мәліметінше, 2025 жылдың 11 айында өңірде тұрақты тұруға рұқсаты бар 1 280 және уақытша тұруға рұқсаты бар 9 136 шетел азаматы тіркелген.
Виза беру немесе тұруға рұқсат рәсімделу барысында миграциялық қызметкерлер шетелдіктердің елде болу заңдылығын тексереді.
"Миграциялық заңнаманы бұзу фактілері анықталған жағдайда дереу тиісті шаралар қабылданады", – дейді полиция өкілдері.
Аталған кезеңде шетелдіктерге қатысты түрлі құқық бұзушылықтар бойынша 2 001 әкімшілік материал толтырылған. Миграциялық заңнаманы бұзғаны үшін сот шешімімен 183 шетелдік Қазақстан Республикасының аумағынан шығарылды.
