Aqtóbe – Almaty baǵytyndaǵy SCAT áýe kompanıasynyń reısi kezinde bir jolaýshynyń jaǵdaıy kúrt nasharlaǵan, dep habarlaıdy Dalanews.kz.
Áýekompanıanyń habarlaýynsha, oǵan birinshi bolyp bortserikter kómektesken. Sondaı-aq, ushaqta bolǵan kardıolog-dáriger de alǵashqy kómek kórsetýge qatysyp, reanımasıalyq sharalar júrgizilgen.
Áýe kemesiniń komandıri shuǵyl sheshim qabyldap, ushaqty bastapqy áýejaıǵa qaıtarǵan. Ushaq barynsha qysqa ýaqytta qondyrylǵan.
«Qoný kezinde jolaýshy jedel járdem brıgadasyna tapsyryldy. Medısınalyq top reanımasıany jalǵastyrǵanymen, keıin onyń qaıtys bolǵany anyqtaldy», - delingen SCAT taratqan aqparatta.
