Pavlodarlyq kásipkerdi óltirdi degen kúdikke ilingen Qazaqstan azamaty Resei Federatsiiasynan ekstraditsiialandy. Bul týraly Qazaqstan prokýratýrasynyń baspasóz qyzmeti málimdedi, dep habarlaidy Dalanews.kz.
"Qazaqstan Respýblikasynyń Bas prokýratýrasynyń qyzmetkerleri Resei Federatsiiasynan pavlodarlyq kásipkerdi óltirýge kúdiktelgen Qazaqstan azamatyn ekstraditsiialady", — delingen habarlamada.
Bas prokýratýra málimetinshe, 21 aqpanda er adam jumysqa shyǵyp, bailanysqa shyqpaǵan.
"Tergeý barysynda sol kúni Pavlodarda kásipker kúdiktimen onyń úi aýlasynda kezdeskeni anyqtaldy. Qarjy daýlary saldarynan olardyń arasynda janjal shyqqan, nátijesinde kúdikti zardap shekken adamǵa keýde jáne bet aimaǵyna 22 ret pyshaq suqqan. Alynǵan jaraqattan kásipker oqiǵa ornynda qaza boldy", — dep habarlady Bas prokýratýra.
Tergeý nusqasy boiynsha, qylmys izderin jasyrý maqsatynda kúdikti máiitti jáne onyń kóligin óz garajynda jasyrǵan, sodan keiin Qazaqstan aýmaǵynan shyǵyp ketken.
Qazirgi tańda kúdikti tergeý izoliatoryna qamaýǵa alyndy. Oǵan 8 jyldan 15 jylǵa deiin bas bostandyǵynan aiyrý jazasy qarastyrylǵan.
Eske salaiyq, 23 aqpanda pavlodarlyq kásipkerdiń qaza tapqany belgili boldy.
