Almatyda jaıaý júrginshini qaǵyp ketken avtobýs júrgizýshisi qamaýǵa alyndy, dep habarlaıdy Dalanews.kz.
Keshe saǵat 10:54-te Almaty qalasy Almaly aýdany Tóle bı dańǵyly boıymen batys baǵytta qozǵalyp kele jatqan avtobýs júrgizýshisi Isaev kóshesimen qıylysta 2007 jyly týǵan qyz balany qaǵyp ketken. Ol jaıaý júrginshiler ótkelinen ótip bara jatqan. Jábirlenýshi aýrýhanaǵa jetkizildi.
Bul oqıǵa boıynsha Almaty qalasy Polısıa departamentiniń Anyqtaý basqarmasy qylmystyq is qozǵady. Avtobýs júrgizýshisi qamaýǵa alynyp, ýaqytsha ustaý ızolátoryna qamaldy.
"Ásirese, jolaýshy tasymaldaýmen aınalysatyn júrgizýshiniń jolda uıaly telefonǵa alańdaýy – múlde jol berýge bolmaıtyn áreket. Ár júrgizýshi jolda barynsha muqıat bolýǵa tıis, – dedi Almaty qalasy PD Ákimshilik polısıa basqarmasynyń bastyǵy Serik Shýmaev.
