الماتىدا جاياۋ جۇرگىنشىنى قاعىپ كەتكەن اۆتوبۋس جۇرگىزۋشىسى قاماۋعا الىندى، دەپ حابارلايدى Dalanews.kz.
كەشە ساعات 10:54-تە الماتى قالاسى المالى اۋدانى تولە بي داڭعىلى بويىمەن باتىس باعىتتا قوزعالىپ كەلە جاتقان اۆتوبۋس جۇرگىزۋشىسى يسايەۆ كوشەسىمەن قيىلىستا 2007 جىلى تۋعان قىز بالانى قاعىپ كەتكەن. ول جاياۋ جۇرگىنشىلەر وتكەلىنەن ءوتىپ بارا جاتقان. جابىرلەنۋشى اۋرۋحاناعا جەتكىزىلدى.
بۇل وقيعا بويىنشا الماتى قالاسى پوليسيا دەپارتامەنتىنىڭ انىقتاۋ باسقارماسى قىلمىستىق ءىس قوزعادى. اۆتوبۋس جۇرگىزۋشىسى قاماۋعا الىنىپ، ۋاقىتشا ۇستاۋ يزولياتورىنا قامالدى.
"اسىرەسە، جولاۋشى تاسىمالداۋمەن اينالىساتىن جۇرگىزۋشىنىڭ جولدا ۇيالى تەلەفونعا الاڭداۋى – مۇلدە جول بەرۋگە بولمايتىن ارەكەت. ءار جۇرگىزۋشى جولدا بارىنشا مۇقيات بولۋعا ءتيىس، – دەدى الماتى قالاسى پد اكىمشىلىك پوليسيا باسقارماسىنىڭ باستىعى سەرىك شۋمايەۆ.
