Kaspii qubyr konsortsiýmyna jasalǵan shabýyldan keiin Qazaqstan Qashaǵan ken ornynan eksporttalatyn munai kólemin Qytaiǵa qaita baǵyttaidy, dep habarlaidy Dalanews.kz.
Bul týraly Energetika ministrligi QazAqparat joldaǵan resmi saýalǵa jaýap berý barysynda málimdedi.
"Qazirgi ýaqytta ministrlik júk jóneltýshilermen birlesip munai kólemderin qaita bólý jumystaryn jedel júrgizip jatyr. Onyń ishinde Qashaǵan munaiynyń belgili bir bóligin QHR-ǵa baǵyttaý sharalary qabyldandy. Jaǵdai Energetika ministrliginiń turaqty baqylaýynda", – delingen habarlamada.
Aita keteiik, buǵan deiin 29 qarashada KQK nysandaryna shabýyl jasalyp, VPÝ-2 dep atalatyn qurylǵy aitarlyqtai zaqymdanǵan edi. Konsortsiým arqyly Teńiz, Qashaǵan jáne Qarashyǵanaq ken oryndarynyń munaiy eksporttalady.
Qazaqstannyń Syrtqy ister ministrligi oqiǵaǵa bailanysty resmi nota joldap, narazylyq bildirdi. Al Ýkraina tarapy bul áreket Qazaqstanǵa qarsy baǵyttalmaǵanynmálimdedi.
Kaspii qubyr konsortsiýmyna (KQK) jasalǵan shabýyldan keiingi zalal kólemi ázirge belgisiz. Bul týraly energetika vitse-ministri Erlan Akbarov málimdedi.
Akbarovtyń aitýynsha, zalaldyń naqty kólemi týraly aqparat qazir joq.
«Zaqymdanǵan elementterdiń biri shtattyq rejimde jumys istep tur, ekinshisi júiege qosylý ústinde. Munai tasymalyna qatysty qandai da bir shekteýler engizilgen joq», – dedi ol.
Balama joldar
Kaspii qubyr konsortsiýmynyń (KQK) infraqurylymyna jasalǵan shabýyldardan keiin Qazaqstan munai eksportyn alternativti marshrýttar arqyly arttyra bastady.
Reuters agenttigi munai-gaz salasyndaǵy bes derekkózge silteme jasap, jeltoqsan aiynda Qazaqstan KQK arqyly júretin munai aǵynynyń bir bóligin «Baký – Tbilisi – Djeihan» (BTD) qubyryna qaita baǵyttaitynyn jazady.
Aqparatqa sáikes, Teńiz ben Qashaǵan ken oryndarynan óndiriletin munai tankerlerge tielip, Kaspii arqyly Bakýge jetkiziledi. Ondaǵan soń, shikizat Grýziia aýmaǵy arqyly Túrkiiaǵa jóneltiledi.
