Dál qazir barlyq dúnie asyǵysta. Álemdi jaýlaǵan jahandaný men daǵdarys adamzat balasyna qaterli qaýip tóndirýde. Ekologiialyq apat, rýhani qundylyqtardyń quldyraýy sekildi iri máselelerdiń saldarynan myń volttyq midyń qudireti múmkin emes nárselerdi múmkin etý tájiribesin kórsetti. Ǵalamdy ózgertetin – bilim men ǵylym. Qaryshtaǵan zamannyń tehnologiialyq qadamymen kóz jetpes jyldamdyqta órkendeý – «Órleýdiń» negizgi maqsaty. Osy bir maqsatty damytýǵa kóp kúsh salý men júzege asyrýdyń biliktilikti joǵarylatý kýrsy ózine mindet etip júktegen. Osy oraida biylǵy 11 sáýirden 23 sáýirge deiingi qysqa merzimde ótip jatqan Qazaqstannyń ár oblysynyń joǵary oqý oryndarynan oqytýshylar qaýymyn Almaty qalasyndaǵy «Órleý» biliktilikti arttyrý ulttyq ortalyǵy aktsionerlik qoǵamynyń Qazaqstan Respýblikasy bilim berý júiesiniń basshysy jáne ǵylymi-pedagogikalyq qyzmetkerleriniń biliktiligin arttyratyn respýblikalyq institýty biriktirdi. Tańdap shaqyrmaǵan ár salanyń mamandarynyń basty maqsaty – bilim berýdi tereńdetý bolsa, «Órleýdiń» oqytýshylar qaýymy ádisnama tásilderin jetildirip, biliktilikti arttyrý, sońǵy jetistikterdi igertý maqsatyn júzege asyryp otyr. Osy maqsatta kelgen «Órleýimiz» shyn máninde bizderdi, keń baitaq qazaq eliniń túkpir-túkpirinen jol tartqan júzdegen tyńdaýshylardy qushaq jaia qarsy alyp, kelgen maqsatymyzǵa jetýde áleýmettik turǵydan qamtamasyz etip, ár tyńdaýshynyń jaǵdaiyn jasaýda. Atyna zaty sai oqý ornynyń oqytýshylar qaýymy jas bolǵanymen óz pánderiniń bilgir mamandary ekendigine bir aptalyq ýaqyt aralyǵynda kóńilge qonymdy jáne kókeiimizdegi kóp ýaqyttan bergi mazalap júrgen suraqtarymyzdyń jaýabyn tabýdyń baǵytyn nusqap, kózimizdi jetkizip otyr.
Bilim men ǵylymdaǵy jańalyqtar, jetken jetistikter tolǵandyrar tustardy tyńdaýshylarǵa az ýaqyttyń ishinde kóp qajettiliktermen uǵyndyrýǵa tyrysqan oqytýshylar qaýymy «Bilim júiesi», «SMART maqsat», «Keis», «Tulǵa», «Quzyrettilik» tárizdi júielep oqytýdy jan-jaqty taldai otyryp, qazirgi kezeńdegi kredittik tehnologiiamen oqytýdyń jańa, tyń ádisterin usyndy. Burynǵy dástúrli júieniń ornyn basqan bul demokratiialyq baǵyt stýdentterdiń syni turǵydan oilai alatyn zamanaýi jeke tulǵa bolyp qalyptasýyna jol ashatyn qadamdar ekenin dáleldep berdi. Respýblikamyzdyń ár aimaǵynan kelgen ártúrli jastaǵy ár salanyń mamandaryn toptaý ádisimen bir jerge shoǵyrlandyryp, tańnan keshke deiingi tynymsyz eńbekpen túsindirýge tyrysqan «Órleýdiń» oqytýshylar qaýymyna da tyńdaýshylar tarapynan myń túrli suraq jaýyp, pikirtalastar órbip jatqan ýaqyt – eki jaqtyń da qyzyǵýshylyǵyn týdyryp, zamannyń talabyn sheshýde naqty qadamdardy oily, maqsatty, júieli túrde júzege asyrýǵa múmkindik berdi. Alǵashqy bir apta qanyqty boiaýymen tyńdaýshylardan ólshemdi eńbektenýden de artyq kúsh jumsaýǵa alyp keldi. Osyndai tar ýaqyt ishinde meńgerýge tiisti tapsyrmadan asyra mindetterdi igerý úshin tyńdaýshylardyń boiyna kúsh pen jiger beretin tabiǵattyń tylsym kúshin sezinýde el tarihymyzdyń ótken kieli jerlerimen tanysýǵa, bilýge, iaǵni kóp estigennen bir kórgenniń artyqshylyǵyn eskertip, tabiǵat aiasynda demalys uiymdastyryldy.
Alataýdyń etegindegi «Esik qorǵany» – ejelden kele jatqan eldik belgi. Altyn Adamdar tabylǵan osynaý qasietti meken, tańǵajaiyp tabiǵaty bar Túrgen jailaýy, Túrgen ózeniniń bir salasyn quraityn Alataýdyń qoinaýyndaǵy birneshe metrlik biiktikten qulaityn «Aqbulaq sarqyramasynda» bolýymyzdyń ózi biz alyp jatqan bilim men jańa tehnologiianyń quramdas bóligi ispetti.
«Esik» memlekettik tarihi-mádeni qoryq-murajaiynda bolǵanymyz tyńdaýshylar úshin úlken rýhani serpilis berdi. Bul mádeni shara – apta boiy alǵan teoriialyq bilimimizdi tájiribede bailanystyrýdyń tamasha ádisiniń biri desek, qatelespeimiz. Oqý aǵymyndaǵy ekinshi apta endi bastaldy. Tabiǵat aiasynda bolǵan osyndai sátti serýen bizge tyń kúsh, senimdi serpin berdi. Sol sebepti oqyp jatqan atalmysh mekeme basshylary men oqytýshylar qaýymyna, ásirese top edvaizeri Baiqonys Ánýar Jarylqasynulyna 30-lektiń №1 toby atynan úlken alǵysymyzdy bildiremiz. «Órleýdegi» ómirsheń ádis sharyqtai bersin, tyńdaýshylarǵa bereri mol tirshilik aǵynynyń tolqyny tolqyn qýsyn!
Álimjan Jaqan,
Saýle Serikbaeva,
top tyńdaýshylary atynan
E.A.Bóketov atyndaǵy QarMÝ-diń aǵa oqytýshylary
