Kanadalyq atqarýshylyq qyzmet uıymy (ári qaraı «CESO») jáne «Atameken» QR Ulttyq Kásipkerler Palatasy (ári qaraı «Palata») «Aǵa senorlar» joba sheńberinde ózara kelisim Memorandýmyna qol qoıdy.
Palata Basqarma Tóraǵasynyń orynbasary Tólemis Shotanov myrza jáne CESO Prezıdenti jáne Basqarma Tóraǵasy Ýendı Harrıs hanym Memorandýmǵa qoldaryn qoıdy.
Palatanyń konferensıa zalynda ótkizilgen qol qoıý rásimin Kanadanyń Qazaqstan Respýblıkasyndaǵy Tótenshe jáne Ókiletti Elshisi Shon Staıl myrza kýálandyrdy.
Qol qoıylǵan Memorandým Qazaqstandaǵy shaǵyn jáne orta bıznes salasynda óz úlesin qosyp damytýyna áreket jasaǵan jańa seriktesterdi biriktiredi.
Shaǵyn jáne orta bıznes kásipkerlik menejment salasynda ozyq tájirıbeleri men taǵylymdamalaryn ortaǵa salǵan eki jaq ókilderi Qazaqstan Úkimetiniń shaǵyn jáne orta bıznesiniń jalpy ishki ónimindegi úlesin arttyrý bastamasyn qoldady.
Kelesi jyldyń aǵymynda ındýstrıanyń jekelegen salalarynda arnaıy mamandyrylǵan CESO sarapshylary paıdala qazbalarǵa baılanysty emes, negizgi Qazaqstandyq ındýstrıalardyń damytý salasyna ózderiniń úzdik bilimderi men tájirıbelerin eńgizý úshin Kanadadan Qazaqstanǵa kelýin josparlap otyr.
CESO Kanada jáne álemniń 122 elinde belsendi túrde oryn alǵan volonterlyq jetekshi uıymdardyń biri bolyp tabylady. Palata sıaqty CESO uıymy shaǵyn jáne orta bıznes pen ındýstrıanyń damýyn óziniń negizgi maqsattarynyń biri retinde sanaıdy.
Shaǵyn jáne orta bıznes salasy Kanada ekonomıkasynyń negizgi bóligi bolyp tabylady. Kanadadaǵy shaǵyn bıznestiń úlesi – Kanadadaǵy barlyq tirkelgen kásipkerliktiń 98 paıyzyn quraıdy. Kanadanyń jalpy ishki óniminiń 50 paıyzdan astamy shaǵyn jáne orta bıznesiniń úlesinde. Sonymen qatar memlekette jańadan ashylyp jatqan jumys oryndarynyń tórtten úsh bóligi - osy salaǵa tıesili. Birikken joba shaǵyn jáne orta bıznes salasyndaǵy tájirıbe almasýdyń jaqsartýyn kózdeıdi.
Kanadalyq tájirıbe, Palata múshelerine kásipkerlik salasyndaǵy jańa múmkindiktermen ádistemelerdi jáne basqa da ınovasıalardy tanýǵa yqpal etedi. Palata qol qoıǵan búgingi Memorandým – Kanada men Qazaqstan arasyndaǵy kásipkerlik salada tájirıbe almasýdy odan ári arttyrý bolyp tabylatyn ortaq maqsatymyzǵa aınymastyq pen jaqyndasý múmkindigin syılaıdy.
– Osy Memorandýmmen biriktilgen CESO uıymymen birlesip ótkiziletin ár is-shara - bir qatar tapsyrmalar men is sharalardyń basyn kosyp, Qazaqstan ındýstrıalızasıasy men kásipkerlik salasynyń damýyna óz úlesin qosady – deıdi elshi.
Gúlden Balǵojına,
Qazaqstandaǵy Kanada elshiligi