Óz kezeginde Respublica partiiasynyń basshysy Aidarbek Hodjanazarov súiinshi surap, qýanshty jańalyqty Feisbýk jelisindegi paraqshasynda bólisti. Ol «Dostar, súiinshi! Bizdiń resmi ókilimiz Astana qalasynyń HQKO-nyń birinen Respublica partiiasynyń tirkeý qujattaryn qolyna aldy.
Endi biz – elimizdiń jańa, resmi tirkelgen saiasi kúshimiz! Bul uzaq aptalar men ailap kútken jáne birneshe ret tirkeýge jiberilmegen sátsizdikterden keiingi – ortaq ortaq jeńisimiz! Alaida, bul synaqtar bizdi tek ǵana kúsheitti» dep oiyn ortaǵa saldy.
– Respublica partiiasynyń teń tóraǵalary – Syrymbek Taý, Rýslan Berdenov, Maksim Baryshev, Dinara Shýkijanova, Qýanysh Shonbai, Beibit Álibekov jáne Nurlan Qoianbaevty elimizge oń ózgerister ákeler jolyndaǵy alǵashqy jeńisimen shyn nietpen quttyqtaimyn!⠀
Partiianyń barlyq múshelerin, osy ýaqyttan beri bizge senim artyp, zor qoldaý bildirgen barlyq adamdardy osy mańyzdy bastamamen quttyqtaimyn jáne senimderińiz ben úkilegen úmitterińizdi aqtaýǵa jumyla kirisemiz degim keledi.⠀
Búginnen bastap biz partiianyń qyzmetin elimizdiń árbir óńirinde tolyq kólemde resmi túrde júrgizýge quqylymyz. Bolashaq bizdiń qolymyzda, aǵaiyn! – dedi Respublica partiiasynyń basshysy.
⠀
