ءوز كەزەگىندە Respublica پارتياسىنىڭ باسشىسى ايداربەك حودجانازاروۆ ءسۇيىنشى سۇراپ، قۋانشتى جاڭالىقتى فەيسبۋك جەلىسىندەگى پاراقشاسىندا ءبولىستى. ول «دوستار، ءسۇيىنشى! ءبىزدىڭ رەسمي وكىلىمىز استانا قالاسىنىڭ حقكو-نىڭ بىرىنەن Respublica پارتياسىنىڭ تىركەۋ قۇجاتتارىن قولىنا الدى.
ەندى ءبىز – ەلىمىزدىڭ جاڭا، رەسمي تىركەلگەن ساياسي كۇشىمىز! بۇل ۇزاق اپتالار مەن ايلاپ كۇتكەن جانە بىرنەشە رەت تىركەۋگە جىبەرىلمەگەن ساتسىزدىكتەردەن كەيىنگى – ورتاق ورتاق جەڭىسىمىز! الايدا، بۇل سىناقتار ءبىزدى تەك عانا كۇشەيتتى» دەپ ويىن ورتاعا سالدى.
– Respublica پارتياسىنىڭ تەڭ ءتوراعالارى – سىرىمبەك تاۋ، رۋسلان بەردەنوۆ، ماكسيم بارىشيەۆ، دينارا شۋكيجانوۆا، قۋانىش شونباي، بەيبىت الىبەكوۆ جانە نۇرلان قويانبايەۆتى ەلىمىزگە وڭ وزگەرىستەر اكەلەر جولىنداعى العاشقى جەڭىسىمەن شىن نيەتپەن قۇتتىقتايمىن!⠀
پارتيانىڭ بارلىق مۇشەلەرىن، وسى ۋاقىتتان بەرى بىزگە سەنىم ارتىپ، زور قولداۋ بىلدىرگەن بارلىق ادامداردى وسى ماڭىزدى باستامامەن قۇتتىقتايمىن جانە سەنىمدەرىڭىز بەن ۇكىلەگەن ۇمىتتەرىڭىزدى اقتاۋعا جۇمىلا كىرىسەمىز دەگىم كەلەدى.⠀
بۇگىننەن باستاپ ءبىز پارتيانىڭ قىزمەتىن ەلىمىزدىڭ ءاربىر وڭىرىندە تولىق كولەمدە رەسمي تۇردە جۇرگىزۋگە قۇقىلىمىز. بولاشاق ءبىزدىڭ قولىمىزدا، اعايىن! – دەدى Respublica پارتياسىنىڭ باسشىسى.
⠀
