Kezdesý jergilikti Mádeniet úiinde ótti. Shara barysynda úmitker halyqqa jaqyn bolý úshin sahnadan zalǵa tústi. Jinalǵan qaýymdy sailaýaldy baǵdarlamasymen tanystyrdy.
Óz sózinde, Nurlan Áýesbaev, memleket aldynda turǵan basty másele – jemqorlyqpen kúres ekenin atap ótti. Úmitkerdiń pikirinshe, ol úshin eń aldymen saiasi reformalardy júzege asyrý kerek jáne eń aldymen májilistiń rólin kúsheitpek kerek.
Jalpy, Aqmoldaǵy basty máselelerdiń biri – damyǵan áleýmettik infraqurylymnyń joqtyǵy. Atap aitqanda, aýylda oqýshy orny tapshylyǵy baiqalady. Aqmoldaǵy bala sany eski mekteptegi oryn sanynan áldeqaida kóp. Sonymen qatar turǵyndar balabaqsha salýdy suraidy.
Bul rette Nurlan Áýesbaev óziniń sailaýaldy baǵdarlamasynda áleýmettik saiasatqa erekshe kóńil bólingenin atady.
JSDP-dan úmitker bilim berý salasy memleket tarapynan airyqsha nazardy talap etetinin belgiledi. Meditsina jáne bilim berý salalaryna JIÓ-den jylyna eń kemi 5-7%-dy bólýdi usyndy.
Jalpyulttyq sotsial-demokratiialyq partiia ókili mundai sharanyń infraqurylym men jabdyqty kezeń-kezeńmen jańartyp otyrýǵa, dárigerler men muǵalimder eńbekaqysynyń bank qyzmetkerleri deńgeiine deiin kóterýge múmkindik beretindigin aitty.
Munyń mańyzy zor, sebebi atalmysh mamandar adami kapitaldyń sapasyna jaýap beredi, al bul óz kezeginde otandyq ekonomikany damytý úshin negizgi talap bolyp sanalady.
