Negizgi áńgime – T.Podshibiakinanyń qos azamattyǵynyń bar-joǵyn anyqtaý bolatyn. Osy máseleni zertteý úshin birneshe mekemege arnap hat ta jazdyq.
Onyń ishinde QR ishki ister ministrligi, QR kóshi-qon politsiiasy, Qordai aýdandyq prokýratýrasy, Qordai aýdandyq máslihaty siiaqty birqatar memlekettik mekemeler bar.
Alaida biz kótergen másele boiynsha, kelgen jaýap hattyń báriniń mátini birdei.
Iaǵni, Tatiana Podshibiakina Qordai aýdandyq máslihatynyń 3 jáne 4 shaqyrylymynyń depýtaty bolyp 2003-2012 jyldary arasynda sailanǵan kórinedi. Odan bergi jyldary ol eshqandai memlekettik laýazymdy qyzmetterde bolmaǵan.
Biz suraý salǵan T.Podshibiakinada Resei azamattyǵynyń bar-joǵy týraly aqparatqa kelgende, hat jazǵan quzyrly mekemelerdiń bári jumǵan aýyzdaryn ashpaidy. Ondai aqparat bireýdiń jeke basynyń qupiiasy kórinedi.
Nemese ondai aqparat joq degen ǵana qysqa-nusqa jaýap beredi.
Jaýap hattarǵa kóńilimiz tolmaǵannan keiin, biz bul taqyrypty odan ary tereń zertteýdi qolǵa aldyq.
Memleket basshysy Ulttyq qoǵamdyq senim keńesiniń otyrysynda:
«Qazaqstan qos azamattyqqa tyiym salǵan elderdiń úlken tobyna jatady. Tiisti norma bizdiń Konstitýtsiiamyzda bar. Mundai faktilerdi toqtatý kerek.
Ótken jyly men óz Joldaýymda memlekettik qyzmetshilerdi, kvazimemlekettik uiymdardyń basshylaryn olardyń qos azamattyǵy anyqtalǵan jaǵdaida jumystan bosatýdy tapsyrdym.
Úkimet pen Memlekettik qyzmet isteri agenttiginen atqarylǵan jumystyń nátijeleri týraly baiandaýdy suraimyn. Shamasy, mundai buzýshylyqtar úshin jaýapkershilikti odan ári kúsheitý qajet», - degen bolatyn.
Demek, Podshibiakina hanymda qos azamattyq bar bolsa, onda ol shyndyqty jasyryp Konstitýtsiiaǵa tompaq áreketke baryp otyr degen sóz.
Al onyń qos azamattyǵyn bile tura, bireýdiń jeke isi, óziniń ruqsatymen ǵana jariialaimyz degen siiaqty syrǵytpa jaýappen qutylǵysy kelgen quzyrly mekemelerdiń ýáji – orynsyz. Iaǵni olar da zańǵa tompaq jumys istep otyr dep túsinýge týra keledi.
Biz hat jazǵan mekemelerden Podshibiakinaǵa qatysty jeke basynyń qupiiasyn anyqtaýdy suraǵan joqpyz. Qos azamattyq bireýdiń jeke basynyń qupiiasy emes.
Bul Memleket basshysy aitqandai, ulttyq qaýipsizdikke qatysty sharýa. Sondyqtan, ony jasyrý nemese óziniń erkimen ǵana jariialaimyz deý – memlekettik qupiiaǵa qarsy jumys bolar edi.
Aitpaqshy
Tatiana Podshibiakinanyń ieligine «Sapa Qordai» JShS, «Qordai Janarmai», «Jańa Qordai», «Merei Qordai» saýda saraiy, «Melet pliýs» pen «Viktoriia pliýs» siiaqty biznes nysandary kiretinin aita keteiik.
Bul qosymsha aqparattar Podshibiakinanyń ońai shaǵylatyn jańǵaq emes ekenin kórsetse kerek!
Resmi organdardyń bergen derekterine sensek, 2019 jyly 15,5 myń adam Qazaqstan azamattyǵynan aiyrylǵan. Onyń basym kóbi – reseilikter. Olardyń 550-i ǵana qylmystyq jaýapqa tartylypty. 102 azamat elden shyǵarylǵan. Qalǵan azamattar týraly aqparat joq. Múmkin, Podshibiakina siiaqty «joly bolyp» júrgender áli de kóp bolýy múmkin.
Qos azamattyq týraly másele burynǵydan da ózekti bolý kerek. Reseidegi ishinara júrgizilgen mobilizatsiiadan keiin elimizge kórshi elden birneshe júz myń adam keldi. Onyń qanshasyna JSN berildi? Bul týraly búgin-erteń tolyqqandy jaýap bolmaityny anyq.
Degenmen, óz ishimizdegi azamattardyń jeke basyna qajetti aqparatty bilip otyrsaq, qos azamattyqtyń bar-joǵy anyq bolsa, ulttyq qaýipsizdigimizge qaýipti bolmas edi. Biz bul taqyrypty sońyna deiin zertteitinimizdi eskertemiz.
Bir qyzyǵy, osy taqyryptyń sońyna túsip, Podshibiakina týraly aqparatty izdegenimizge eki aidai ýaqyt boldy.
Biraq Tatiana týraly resmi málimet alý – memlekettik qupiiadan da mańyzdy bolyp bara jatqandai. Biz hat jazyp suraý salǵan mekemelerdiń eks-depýtatty ne úshin shyr-pyr bolyp qorǵap otyrǵanyn túsinbedik?
Munyń astarynda qandai qupiia, qandai syr jatyr? Resmi mekemeler «Málimetti T.Podshibiakinanyń óz ruqsatymen ǵana beremiz» nemese «Bul onyń jeke basynyń qupiiasy» dep qashqaqtaǵan saiyn, taqyryp bizdi qyzyqtyryp barady.
Jaras ShÓKE
