Kóp balaly otbasylardyń máseleleri bárine belgili: qiyn qarjylyq jaǵdai, baspana máselesi jáne balalardy oqytýdy uiymdastyrý, qaryz júktemesi. Áielder Saltanat Tursynbekovaǵa ózderin mazalaǵan suraqtaryn joldady.
Kandidat jinalǵandarǵa óziniń nelikten qazir qoǵamdyq jumystarmen belsendi túrde ainalysyp júrgenin túsindirdi.
«Eńbek jolymdy mektepte muǵalim bolyp bastadym. 5 jyl tarih páninen sabaq berdim, synyp jetekshisi boldym. Sodan keiin ómir meni memlekettik qyzmetke alyp keldi, sol jerde 20 jyldan astam qyzmet ettim. Qazir qoǵamdyq jumystarmen ainalysamyn. Múmkin bul meniń ómirlik basty missiiam bolǵan shyǵar.
Men memlekettik organdardyń qalai jumys isteitinin, qai tustary aqsap turatynyn jaqsy bilemin. 5 jyldan beri aýyldardy, daǵdarys ortalyqtaryn, otbasylardy qoldaý úshin qurylǵan mekemelerdi, qarttar úilerin, balalar úilerin, bas bostandyǵynan aiyrylǵan áielderge arnalǵan túrmelerdi aralap júrmin.
Men bizdiń áielderdiń jasóspirimderden bastap, qarttaryna deiin ne tolǵandyratynyn jaqsy bilemin. Olardyń qalai ómir súrip jatqanyn kórgen saiyn, árqaisysy úshin janym aýyrady.
Al men jaǵdaidy, qazirgi statýs-kvony ózgertkim keledi. Men úshin qoǵamymyzdyń eń osal toptaryna – kóp balaly analarǵa, tolyq emes otbasyndaǵy ata-analarǵa, múgedekterge, erekshe qajettilikteri bar balalardyń analaryna jáne basqa da qoldaýdy qajet etetin azamattarǵa kómektesetin reformalardy jasaǵym keledi», – dedi.
Quqyq qorǵaýshy óziniń sailaýaldy baǵdarlamasy aiasynda eldegi jaǵdaidy ózgertkisi keletinin aitty.
Máselen, kandidat kóp balaly jáne qiyn ómirlik jaǵdaidaǵy otbasylardyń qaryzdaryn esepten shyǵaryp, áielderdiń zeinet jasyn 58 jasqa deiin tómendetýdi, eń tómengi jalaqy men eń tómengi kúnkóris deńgeiin (zeinetaqy jinaqtary, járdemaqylar men shákirtaqylar) arttyrýdy, baǵdarlama ázirleýdi usynady. kedeishilikpen kúresý, ÚEU men eriktilerdi tarta otyryp, qoljetimdi baǵadaǵy ónimder men taýarlary bar áleýmettik dúkender jelisin qurý jáne t.b. josparlary da bar.
