كٶپ بالالى وتباسىلاردىڭ مەسەلەلەرٸ بەرٸنە بەلگٸلٸ: قيىن قارجىلىق جاعداي, باسپانا مەسەلەسٸ جەنە بالالاردى وقىتۋدى ۇيىمداستىرۋ, قارىز جٷكتەمەسٸ. ەيەلدەر سالتانات تۇرسىنبەكوۆاعا ٶزدەرٸن مازالاعان سۇراقتارىن جولدادى.
كانديدات جينالعاندارعا ٶزٸنٸڭ نەلٸكتەن قازٸر قوعامدىق جۇمىستارمەن بەلسەندٸ تٷردە اينالىسىپ جٷرگەنٸن تٷسٸندٸردٸ.
«ەڭبەك جولىمدى مەكتەپتە مۇعالٸم بولىپ باستادىم. 5 جىل تاريح پەنٸنەن ساباق بەردٸم, سىنىپ جەتەكشٸسٸ بولدىم. سودان كەيٸن ٶمٸر مەنٸ مەملەكەتتٸك قىزمەتكە الىپ كەلدٸ, سول جەردە 20 جىلدان استام قىزمەت ەتتٸم. قازٸر قوعامدىق جۇمىستارمەن اينالىسامىن. مٷمكٸن بۇل مەنٸڭ ٶمٸرلٸك باستى ميسسييام بولعان شىعار.
مەن مەملەكەتتٸك ورگانداردىڭ قالاي جۇمىس ٸستەيتٸنٸن, قاي تۇستارى اقساپ تۇراتىنىن جاقسى بٸلەمٸن. 5 جىلدان بەرٸ اۋىلداردى, داعدارىس ورتالىقتارىن, وتباسىلاردى قولداۋ ٷشٸن قۇرىلعان مەكەمەلەردٸ, قارتتار ٷيلەرٸن, بالالار ٷيلەرٸن, باس بوستاندىعىنان ايىرىلعان ەيەلدەرگە ارنالعان تٷرمەلەردٸ ارالاپ جٷرمٸن.
مەن بٸزدٸڭ ەيەلدەردٸڭ جاسٶسپٸرٸمدەردەن باستاپ, قارتتارىنا دەيٸن نە تولعاندىراتىنىن جاقسى بٸلەمٸن. ولاردىڭ قالاي ٶمٸر سٷرٸپ جاتقانىن كٶرگەن سايىن, ەرقايسىسى ٷشٸن جانىم اۋىرادى.
ال مەن جاعدايدى, قازٸرگٸ ستاتۋس-كۆونى ٶزگەرتكٸم كەلەدٸ. مەن ٷشٸن قوعامىمىزدىڭ ەڭ وسال توپتارىنا – كٶپ بالالى انالارعا, تولىق ەمەس وتباسىنداعى اتا-انالارعا, مٷگەدەكتەرگە, ەرەكشە قاجەتتٸلٸكتەرٸ بار بالالاردىڭ انالارىنا جەنە باسقا دا قولداۋدى قاجەت ەتەتٸن ازاماتتارعا كٶمەكتەسەتٸن رەفورمالاردى جاساعىم كەلەدٸ», – دەدٸ.
قۇقىق قورعاۋشى ٶزٸنٸڭ سايلاۋالدى باعدارلاماسى اياسىندا ەلدەگٸ جاعدايدى ٶزگەرتكٸسٸ كەلەتٸنٸن ايتتى.
مەسەلەن, كانديدات كٶپ بالالى جەنە قيىن ٶمٸرلٸك جاعدايداعى وتباسىلاردىڭ قارىزدارىن ەسەپتەن شىعارىپ, ەيەلدەردٸڭ زەينەت جاسىن 58 جاسقا دەيٸن تٶمەندەتۋدٸ, ەڭ تٶمەنگٸ جالاقى مەن ەڭ تٶمەنگٸ كٷنكٶرٸس دەڭگەيٸن (زەينەتاقى جيناقتارى, جەردەماقىلار مەن شەكٸرتاقىلار) ارتتىرۋدى, باعدارلاما ەزٸرلەۋدٸ ۇسىنادى. كەدەيشٸلٸكپەن كٷرەسۋ, ٷەۇ مەن ەرٸكتٸلەردٸ تارتا وتىرىپ, قولجەتٸمدٸ باعاداعى ٶنٸمدەر مەن تاۋارلارى بار ەلەۋمەتتٸك دٷكەندەر جەلٸسٸن قۇرۋ جەنە ت.ب. جوسپارلارى دا بار.
