Nurjan Qadirkei BGlobal Ventures-tiń bas direktory bolyp taǵaiyndaldy. Buǵan deiin ol BGlobal Ventures-tiń bas kompaniiasy "Qazaqstan Investment" AQ-ta basqarýshy direktor qyzmetin atqaryp, tikelei sheteldik investitsiialardy (FDI) tartýmen jáne venchýrlyq kapital salasyndaǵy seriktestikti damytýmen ainalysqan, dep jazady Dalanews.kz.
Nurjan Qadirkeidiń basshylyǵymen BGlobal Ventures kompaniiasy Qazaqstannyń jáne Ortalyq Eýraziianyń ekojúiesindegi startaptardy damytýda óz rólin kúsheitýge nietti, investitsiia men halyqaralyq investorlar qaýymdastyǵyna qoljetimdilikti qamtamasyz ete otyryp, tehnologiialyq jáne innovatsiialyq investitsiialardy belsendi qoldaý,bilim berý baǵdarlamalary arqyly venchýrlyq investitsiialardy júzege asyrý jáne t.b. mejeli maqsattarǵa da ie.
Bglobal ventures LTD jekemenshik kompaniiasy - Qazaqstan Investment Corporation-nyń enshilesi jáne "Báiterek" holdinginiń quramyna enedi. Kompaniianyń negizgi maqsaty - Qazaqstan men Ortalyq Aziiadaǵy venchýrlyq kapital naryǵyn damytý. "Qazaqstan Investment Corporation" AQ - ulttyq ekonomikany turaqty damytýǵa járdemdesý úshin qurylǵan qor.
Buǵan deiin Tabiǵi monopoliialardy retteý komiteti tóraǵasynyń orynbasary bolyp Qanat Qulnazarovtyń taǵaiyndalǵanyn jazǵan edik.
