نۇرجان قادىركەي BGlobal Venturesء-تىڭ باس ديرەكتورى بولىپ تاعايىندالدى. بۇعان دەيىن ول BGlobal Venturesء-تىڭ باس كومپانياسى "Qazaqstan Investment" اق-تا باسقارۋشى ديرەكتور قىزمەتىن اتقارىپ، تىكەلەي شەتەلدىك ينۆەستيسيالاردى (FDI) تارتۋمەن جانە ۆەنچۋرلىق كاپيتال سالاسىنداعى سەرىكتەستىكتى دامىتۋمەن اينالىسقان، دەپ جازادى Dalanews.kz.
نۇرجان قادىركەيدىڭ باسشىلىعىمەن BGlobal Ventures كومپانياسى قازاقستاننىڭ جانە ورتالىق ەۋرازيانىڭ ەكوجۇيەسىندەگى ستارتاپتاردى دامىتۋدا ءوز ءرولىن كۇشەيتۋگە نيەتتى، ينۆەستيسيا مەن حالىقارالىق ينۆەستورلار قاۋىمداستىعىنا قولجەتىمدىلىكتى قامتاماسىز ەتە وتىرىپ، تەحنولوگيالىق جانە يننوۆاسيالىق ينۆەستيسيالاردى بەلسەندى قولداۋ،ءبىلىم بەرۋ باعدارلامالارى ارقىلى ۆەنچۋرلىق ينۆەستيسيالاردى جۇزەگە اسىرۋ جانە ت.ب. مەجەلى ماقساتتارعا دا يە.
Bglobal ventures LTD جەكەمەنشىك كومپانياسى - Qazaqstan Investment Corporation-نىڭ ەنشىلەسى جانە "بايتەرەك" حولدينگىنىڭ قۇرامىنا ەنەدى. كومپانيانىڭ نەگىزگى ماقساتى - قازاقستان مەن ورتالىق ازياداعى ۆەنچۋرلىق كاپيتال نارىعىن دامىتۋ. "Qazaqstan Investment Corporation" اق - ۇلتتىق ەكونوميكانى تۇراقتى دامىتۋعا جاردەمدەسۋ ءۇشىن قۇرىلعان قور.
بۇعان دەيىن تابيعي مونوپوليالاردى رەتتەۋ كوميتەتى ءتوراعاسىنىڭ ورىنباسارى بولىپ قانات قۇلنازاروۆتىڭ تاعايىندالعانىن جازعان ەدىك.
