Bul úshin arnaiy ádisteme - PEFA-ny qoldaný jaiy qarastyrylyp jatyr. Osy máseleni talqylaý úshin búgin Astana qalasyna qarjygerler men sarapshylar qaýymy jinaldy, dep habarlaidy Dalanews.kz.
Joǵary aýditorlyq pala atap ótkendei, PEFA memlekettik biýdjettik basqarýdyń ashyqtyǵyn, tiimdiligin jáne turaqtylyǵyn baǵalaýǵa, negizgi syn-qaterlerdi anyqtaýǵa jáne olardy sheshý joldaryn aiqyndaýǵa múmkindik beredi.
Jiyn barysynda PEFA ádistemesiniń negizgi qaǵidattary, sátti iske asyrylǵan elder boiynsha mysaldar jáne memleket shyǵystarynyń tiimdiligin arttyrý úshin baǵalaý nátijelerin paidalaný múmkindikteri tanystyryldy.
PEFA baǵalaýyn júrgizý ádistemesinde memleket qarjysyn basqarýdyń ártúrli aspektilerin baǵalaityn 31 indikator qarastyrylǵan. Bul indikatorlar jeti negizgi sanatqa bólinedi:
- Memleket qarjysynyń ashyqtyǵy;
- Biýdjetti josparlaýdyń senimdiligi;
- Kiristerdi basqarýdyń tiimdiligi;
- Biýdjettiń oryndalýyn baqylaý;
- Aýdit jáne syrtqy tekserý;
- Memlekettik qaryzdy basqarý;
- Biýdjetaralyq qatynastardyń ashyqtyǵy.
Aita ketý kerek, Qazaqstanda PEFA baǵalaýyn júrgizýdiń negizgi kezeńi biyl 3-7 naýryz aralyǵynda ótedi. PEFA – eldegi memlekettik qarjy júiesin baǵalaý úshin qoldanylatyn standarttalǵan ádisteme. Qazaqstandaǵy sońǵy baǵalaý 2018 jyly júrgizilgen.
Buǵan deiin 2025 jyly 40-tan astam aýditorlyq is-shara ótkizý josparlanǵanyn, sonyń ishinde Memleket basshysynyń tapsyrmasy boiynsha Astana jáne Almaty qalalary, Soltústik Qazaqstan, Qostanai jáne Jambyl oblystary, sondai-aq "Samuryq-Qazyna" qory, "Qazatomónerkásip" ulttyq kompaniiasy, KEGOC kásiporny, Ulttyq bank, Tótenshe jaǵdailar ministrligi biýdjetteriniń oryndalý barysy tekserilgeli jatqanyn jazǵanbyz.
