بۇل ءۇشىن ارنايى ادىستەمە - PEFA-نى قولدانۋ جايى قاراستىرىلىپ جاتىر. وسى ماسەلەنى تالقىلاۋ ءۇشىن بۇگىن استانا قالاسىنا قارجىگەرلەر مەن ساراپشىلار قاۋىمى جينالدى، دەپ حابارلايدى Dalanews.kz.
جوعارى اۋديتورلىق پالا اتاپ وتكەندەي، PEFA مەملەكەتتىك بيۋدجەتتىك باسقارۋدىڭ اشىقتىعىن، تيىمدىلىگىن جانە تۇراقتىلىعىن باعالاۋعا، نەگىزگى سىن-قاتەرلەردى انىقتاۋعا جانە ولاردى شەشۋ جولدارىن ايقىنداۋعا مۇمكىندىك بەرەدى.
جيىن بارىسىندا PEFA ادىستەمەسىنىڭ نەگىزگى قاعيداتتارى، ءساتتى ىسكە اسىرىلعان ەلدەر بويىنشا مىسالدار جانە مەملەكەت شىعىستارىنىڭ تيىمدىلىگىن ارتتىرۋ ءۇشىن باعالاۋ ناتيجەلەرىن پايدالانۋ مۇمكىندىكتەرى تانىستىرىلدى.
PEFA باعالاۋىن جۇرگىزۋ ادىستەمەسىندە مەملەكەت قارجىسىن باسقارۋدىڭ ءارتۇرلى اسپەكتىلەرىن باعالايتىن 31 ينديكاتور قاراستىرىلعان. بۇل ينديكاتورلار جەتى نەگىزگى ساناتقا بولىنەدى:
- مەملەكەت قارجىسىنىڭ اشىقتىعى؛
- بيۋدجەتتى جوسپارلاۋدىڭ سەنىمدىلىگى؛
- كىرىستەردى باسقارۋدىڭ تيىمدىلىگى؛
- بيۋدجەتتىڭ ورىندالۋىن باقىلاۋ؛
- اۋديت جانە سىرتقى تەكسەرۋ؛
- مەملەكەتتىك قارىزدى باسقارۋ؛
- بيۋدجەتارالىق قاتىناستاردىڭ اشىقتىعى.
ايتا كەتۋ كەرەك، قازاقستاندا PEFA باعالاۋىن جۇرگىزۋدىڭ نەگىزگى كەزەڭى بيىل 3-7 ناۋرىز ارالىعىندا وتەدى. PEFA – ەلدەگى مەملەكەتتىك قارجى جۇيەسىن باعالاۋ ءۇشىن قولدانىلاتىن ستاندارتتالعان ادىستەمە. قازاقستانداعى سوڭعى باعالاۋ 2018 جىلى جۇرگىزىلگەن.
بۇعان دەيىن 2025 جىلى 40-تان استام اۋديتورلىق ءىس-شارا وتكىزۋ جوسپارلانعانىن، سونىڭ ىشىندە مەملەكەت باسشىسىنىڭ تاپسىرماسى بويىنشا استانا جانە الماتى قالالارى، سولتۇستىك قازاقستان، قوستاناي جانە جامبىل وبلىستارى، سونداي-اق "سامۇرىق-قازىنا" قورى، "قازاتومونەركاسىپ" ۇلتتىق كومپانياسى، KEGOC كاسىپورنى، ۇلتتىق بانك، توتەنشە جاعدايلار مينيسترلىگى بيۋدجەتتەرىنىڭ ورىندالۋ بارىسى تەكسەرىلگەلى جاتقانىن جازعانبىز.
