اقش-تىڭ يللينويس شتاتىندا 24 جاستاعى قازاقستاندىق ەسەت قۇرالبايدىڭ جوعالىپ كەتكەنٸ بەلگٸلٸ بولدى. تۋىستارى ونىڭ ٸز-تٷزسٸز كەتكەنٸ تۋرالى Threads ەلەۋمەتتٸك جەلٸسٸندە جازعان. ولاردىڭ ايتۋىنشا, ەسەت سوڭعى رەت 2 ماۋسىمدا بايلانىسقا شىققان, ال 7 ماۋسىمنان باستاپ تەلەفونى سٶندٸرۋلٸ بولعان, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
ەسەتتٸڭ ەپكەسٸ الينا قۇرالباي Newtimes.kz باسىلىمىنا بەرگەن سۇحباتىندا ٸنٸسٸنٸڭ اقش-تا تٶرت جىلدان بەرٸ تۇرعانىن ايتتى. ول امەريكاعا Work&Travel باعدارلاماسى ارقىلى بارىپ, كەيٸن سول جاقتا قالۋدى شەشكەن. ەسەت Amazon كومپانيياسىندا كۋرەر بولىپ جۇمىس ٸستەگەن.
جاقىندارىنىڭ سٶزٸنشە, سوڭعى ۋاقىتتا جٸگٸتتٸڭ مٸنەز-قۇلقىندا ٶزگەرٸس بايقالعان. كٶرشٸلەرٸ ونىڭ كٶپشٸلٸكپەن ارالاسا بەرمەيتٸنٸن, كەيٸنگٸ كەزدە تٸپتٸ تۇيىقتالا تٷسكەنٸن ايتقان.
"بٸزگە ونىڭ ەشكٸممەن ارالاسپايتىنىن ايتتى. كٷنٸ بويى ۇيىقتاپ, تٷندە وياۋ جٷرەتٸن بولعان. ٷي يەسٸ: "تٷنگٸ ٷش-تٶرتتە كەلسەم, ول شاتىردا تەمەكٸ شەگٸپ وتىرادى" دەدٸ", – دەپ جەتكٸزدٸ ەپكەسٸ.
الينانىڭ ايتۋىنشا, ەسەت بٸرتٸندەپ حابارلامالارعا جاۋاپ بەرۋدٸ توقتاتقان. ال 7 ماۋسىمنان كەيٸن وعان جٸبەرٸلگەن حابارلامالار مٷلدە جەتپەي قالعان. بٸرنەشە كٷن ٶتكەن سوڭ تۋىستارى پوليتسيياعا ونىڭ جوعالعانى تۋرالى ارىز تٷسٸرگەن.
كەيٸن پوليتسەيلەر ەسەتتٸڭ كٶلٸگٸن ٷيٸنەن شامامەن بەس مينۋتتىق جەردەن تاپقان. مەلٸمەت بويىنشا, كٶلٸكتٸ بەلگٸسٸز بٸر ەيەل ايداپ اپارعان. سونىمەن قاتار ونىڭ ٷيٸنەن جازبا تابىلعان.
"جازبادا: "ەگەر ماعان بٸردەڭە بولسا, قۇجاتتارىم مەن زاتتارىمدى مىنا مەكەنجايعا جەتكٸزٸڭٸزدەر" دەپ جازىلعان. نيۋ-يوركتە جەڭگەمٸز تۇرادى, ول سونىڭ بايلانىس دەرەكتەرٸن كٶرسەتكەن. پوليتسييا جازبانىڭ جاڭا ەكەنٸن, جانىندا قالام جاتقانىن ايتتى", – دەدٸ الينا.
قازاقستان سىرتقى ٸستەر مينيسترلٸگٸ ديپلوماتتار وقيعانىڭ مەن-جايىن انىقتاپ جاتقانىن حابارلادى. كەيٸنٸرەك مينيسترلٸك اقش قۇقىق قورعاۋ ورگاندارى قازاقستان ازاماتى بولۋى مٷمكٸن ادامنىڭ دەنەسٸن تاپقانىن مەلٸمدەدٸ.
سٸم مەلٸمەتٸنشە, قازاقستاندىق ديپلوماتتار اقش-تىڭ قۇزىرلى ورگاندارىمەن جەنە ازاماتتىڭ تۋىستارىمەن تۇراقتى بايلانىستا. جاقىندارىنا قاجەتتٸ كونسۋلدىق-قۇقىقتىق كٶمەك كٶرسەتٸلٸپ جاتىر.
