– Búgingi tańda halyqty jumyspen qamtý ortalyǵyna jumysqa ornalasý úshin 570 adam júgindi, onyń 390-y belsendi jumyspen qamtý sharalaryna tartyldy, 66 adam kásipkerlik negizderine oqytýǵa jiberildi. Biylǵy jyly oblystyq biýdjetten 49 adamǵa qysqa merzimdi kýrs boiynsha oqýǵa 13,5 mln teńge bólindi, kýrstar mamyr aiynda bastalady. Al jyl basynan beri 429 oryn quryldy, – dedi Almat Aqyshov.
Kúrshim aýdanynyń áleýmettik salasy týraly aita kele, ákim meditsinanyń damýyna toqtaldy.
Máselen, 2023 jyldyń qańtar aiynda aýdandyq aýrýhananyń qabyldaý, perzenthana, operatsiialyq bólimsheleri kúrdeli jóndeýden keiin qaita ashylyp, tolyq qýatta jumys istei bastaǵan.
– Hirýrgiialyq bólimde endoskopiialyq operatsiialar da jasalady. 2022 jyldyń qazan aiynda 1 dáriger-anesteziolog Latviiada oqyp keldi. Alynǵan tájiribe operatsiialyq bólimde kolonoskopiia júrgizý kezinde qoldanylýda, – dep tolyqtyrdy spiker.
Sonymen qatar, 2023 jyly Aqjailaý, Urynhai, Jolnusqaý, Amanat, Maraldy aýyldarynda 686,9 mln teńgege, sondai-aq Taqyr jáne Jańaaýyl aýyldarynda – 32 mln teńgege ofteik-kelisimshart sheńberinde meditsinalyq pýnktter salynbaq.
Al aǵymdaǵy jyly Qarashilik, Qainarly, Quiǵan, Saryóleń, Baraq batyr, Igilik, Jolnusqaý eldi mekenderinde 254,8 mln teńgege 14 bir páterli úi satyp alý josparlanýda.
