Soltústik Qazaqstan oblysynda politsiia qyzmetkerleri óńir turǵynynyń birine kóligin 5 minýttan artyq qyzdyrǵany úshin aiyppul salyp úlgergen. Onyń ústinen kórshileri politsiiaǵa shaǵymdanǵan eken. Alaida oblystyń prokýrorlary osy maqsatta salynǵan ákimshilik aiyppuldyń kúshin joidy, dep jazady Dalanews.kz.
Qadaǵalaý organy taldaý sheńberinde QR Ákimshilik quqyq buzýshylyq týraly Kodeksiniń talaptaryn óreskel buzýshylyqtardy anyqtapty. Naqtyraq aitsaq, prokýratýranyń resmi túsiniktemesinde bylai delinedi:
"Petropavl qalalyq politsiia basqarmasynyń laýazymdy adamy oblys ortalyǵynyń turǵynyna qatysty atalǵan kodekstiń 1-bóliginiń 597-bóliginde kózdelgen ákimshilik quqyq buzýshylyqtar boiynsha hattama toltyrǵan, iaǵni kólik quralyn 5 minýttan artyq jylytýda kórsetilgen kólik quralynyń turaq erejelerin buzý faktisi boiynsha. Politsiia qyzmetkeri ákimshilik quqyq buzýshylyq týraly hattama toltyrý kezinde protsestik buzýshylyqtarǵa jol berdi jáne quqyq buzýshynyń kinásiniń dálelderin tappady".
Petropavl qalasy prokýrorynyń narazylyǵy boiynsha politsiia organdarynyń áreketteri zańsyz dep tanyldy, ÁQBtK-niń 597-baby 1-bóligi boiynsha Ákimshilik quqyq buzýshylyq týraly is boiynsha is júrgizý quqyq buzýshylyq quramynyń bolmaýyna bailanysty toqtatylǵany da naqtylanady.
Aita ketsek, QR IIM Ákimshilik politsiia komiteti QR ÁQBtK-niń 597-babynan buzǵany úshin azamattarǵa 5 AEK (19 660 teńge) mólsherinde, al qaitalap buzǵany úshin – 10 AEK (39 320 teńge) mólsherinde aiyppul qarastyrylatynyn eske salady.
Buǵan deiin Ekologiia ministriniń kóligin qyzdyryp, bólisken tájiribesi daý týǵyzyp, kóptiń qyzý talqysyna túsken edi. Sondai-aq osy taqyrypqa orai saitymyzda "55 minýt turýǵa da bolady. Depýtat kólik qyzdyrý máselesinde júrgizýshilerdi qoldady" degen maqala jariialanǵan.
