سولتۇستىك قازاقستان وبلىسىندا پوليسيا قىزمەتكەرلەرى ءوڭىر تۇرعىنىنىڭ بىرىنە كولىگىن 5 مينۋتتان ارتىق قىزدىرعانى ءۇشىن ايىپپۇل سالىپ ۇلگەرگەن. ونىڭ ۇستىنەن كورشىلەرى پوليسياعا شاعىمدانعان ەكەن. الايدا وبلىستىڭ پروكۋرورلارى وسى ماقساتتا سالىنعان اكىمشىلىك ايىپپۇلدىڭ كۇشىن جويدى، دەپ جازادى Dalanews.kz.
قاداعالاۋ ورگانى تالداۋ شەڭبەرىندە ق ر اكىمشىلىك قۇقىق بۇزۋشىلىق تۋرالى كودەكسىنىڭ تالاپتارىن ورەسكەل بۇزۋشىلىقتاردى انىقتاپتى. ناقتىراق ايتساق، پروكۋراتۋرانىڭ رەسمي تۇسىنىكتەمەسىندە بىلاي دەلىنەدى:
"پەتروپاۆل قالالىق پوليسيا باسقارماسىنىڭ لاۋازىمدى ادامى وبلىس ورتالىعىنىڭ تۇرعىنىنا قاتىستى اتالعان كودەكستىڭ 1-بولىگىنىڭ 597-بولىگىندە كوزدەلگەن اكىمشىلىك قۇقىق بۇزۋشىلىقتار بويىنشا حاتتاما تولتىرعان، ياعني كولىك قۇرالىن 5 مينۋتتان ارتىق جىلىتۋدا كورسەتىلگەن كولىك قۇرالىنىڭ تۇراق ەرەجەلەرىن بۇزۋ فاكتىسى بويىنشا. پوليسيا قىزمەتكەرى اكىمشىلىك قۇقىق بۇزۋشىلىق تۋرالى حاتتاما تولتىرۋ كەزىندە پروسەستىك بۇزۋشىلىقتارعا جول بەردى جانە قۇقىق بۇزۋشىنىڭ كىناسىنىڭ دالەلدەرىن تاپپادى".
پەتروپاۆل قالاسى پروكۋرورىنىڭ نارازىلىعى بويىنشا پوليسيا ورگاندارىنىڭ ارەكەتتەرى زاڭسىز دەپ تانىلدى، اقبتك-نىڭ 597-بابى 1-بولىگى بويىنشا اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋ قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلعانى دا ناقتىلانادى.
ايتا كەتسەك، ق ر ءىىم اكىمشىلىك پوليسيا كوميتەتى ق ر اقبتك-نىڭ 597-بابىنان بۇزعانى ءۇشىن ازاماتتارعا 5 اەك (19 660 تەڭگە) مولشەرىندە، ال قايتالاپ بۇزعانى ءۇشىن – 10 اەك (39 320 تەڭگە) مولشەرىندە ايىپپۇل قاراستىرىلاتىنىن ەسكە سالادى.
بۇعان دەيىن ەكولوگيا ءمينيسترىنىڭ كولىگىن قىزدىرىپ، بولىسكەن تاجىريبەسى داۋ تۋعىزىپ، كوپتىڭ قىزۋ تالقىسىنا تۇسكەن ەدى. سونداي-اق وسى تاقىرىپقا وراي سايتىمىزدا "55 مينۋت تۇرۋعا دا بولادى. دەپۋتات كولىك قىزدىرۋ ماسەلەسىندە جۇرگىزۋشىلەردى قولدادى" دەگەن ماقالا جاريالانعان.
