جەتىسۋ وبلىسىندا قوقىستان ەلتاڭبا تاۋىپ العان بلوگەرگە ايىپپۇل سالىندى. اتالعان وقيعا قوعامدا قىزۋ تالقىلاندى. الايدا پوليسيا بۇل جاعدايدىڭ ءمان-جايى كوپشىلىككە دۇرىس جەتكىزىلمەگەنىن مالىمدەدى، دەپ حابارلايدى Dalanews.kz.
وبلىستىق پوليسيا دەپارتامەنتىنىڭ تۇسىندىرۋىنشە، ازامات جاۋاپكەرشىلىككە ەلتاڭبانى تاپقانى ءۇشىن ەمەس، كەيىن وعان قاتىستى جاساعان ارەكەتتەرى ءۇشىن تارتىلعان.
تۇرعىن ەلتاڭبا ماكەتىن 2022 جىلى جانسۇگىروۆ اۋىلىنان تاۋىپ العان. ول بۇل تۋرالى ءتيىستى ورىندارعا حابارلاپ، نىساندى اكىمدىككە وتكىزۋدى جوسپارلاعانىمەن، بەلگىسىز سەبەپتەرمەن وزىندە ساقتاپ قالعان. ءبىراز ۋاقىت وتكەن سوڭ وعان 200 مىڭ تەڭگەدەن استام ايىپپۇل سالىنعان.
پوليسيانىڭ مالىمەتىنشە، قۇقىقبۇزۋشىلىق ەلتاڭبانى تاپقان ساتتە ەمەس، ودان كەيىنگى ارەكەتتەر بارىسىندا ورىن العان. اتاپ ايتقاندا، ازامات مەملەكەتتىك نىشاندى ادەپسىز تۇردە سۋرەتكە ءتۇسىرىپ، ونىڭ بۇرمالانعان بەينەسىن الەۋمەتتىك جەلىدە جاريالاعان.
“بۇل ارەكەتتەر مەملەكەتتىك رامىزدەرگە قۇرمەتسىزدىك تانىتۋ رەتىندە باعالاندى جانە قولدانىستاعى زاڭناماعا سايكەس اكىمشىلىك جاۋاپكەرشىلىككە اكەلەدى”، – دەپ ءتۇسىندىردى ۆەدومستۆو وكىلدەرى.
وسىعان بايلانىستى پوليسيا ازاماتتاردى تەك رەسمي دەرەككوزدەرگە سۇيەنۋگە جانە جالعان نەمەسە بۇرمالانعان اقپارات تاراتپاۋعا شاقىردى.
