"Samuryq-Energo" memlekettik kompaniiasy eki aktivti balansynan shyǵardy: Shúlbi men Óskemen GES-terin. Osyndai aqparatty kompaniia KASE saityna ornalastyrdy, dep habarlaidy Dalanews.kz.
Osy sipattaǵy mámileler 21-22 aqpanda jasalǵany da naqtylanady. Buǵan deiin "Samuryq-Energo" GES-terdiń árqaisysynyń 100% úlesine ie bolǵan. Aktivter kimge jáne qandai baǵamen satylǵan, ázirge belgisiz.
Aita ketsek, "Samuryq-Energo" 2024 jyldyń kókteminde "Samuryq-Qazyna" memlekettik holdinginen eki GES-ti satyp alǵan bolatyn. "Shúlbi GES-i" JShS 36,2 mlrd teńgege, al "Óskemen GES-i" JShS 23,5 mlrd teńgege satyp alyndy. Saýda-sattyq naryqtyq baǵaǵa sai júrgizildi. Al qos nysandy satyp alý qor birjasyna "Samuryq-Energonyń" ornalastyrǵan aktsiialary esebinen júrgizildi. 2024 jyldyń sáýir aiynda "Samuryq-Energo" KASE-ge 96,4 myń teńgeniń 375,5 myń qarapaiym aktsiiasyn jáne 90,4 myń teńgeniń 260 myń aktsiiasyn shyǵardy. Qosymsha emissiianyń jalpy kólemi 59,7 mlrd teńgeni qurady. "Samuryq-Energo" osy aktsiialarmen 100 paiyz úlesti satyp alýda tólem jasady.
Al 2021 jyly Úkimet "Shúlbi GES-i" JShS men "Óskemen GES-i" JShS-lardaǵy 100% memlekettik úlesti Ábý-Dabi jáne Qazaqstan investorlar konsortsiýmyna tikelei ataýly satýdy josparlaǵan. Bul týraly "Ashyq NQA" saitynda jariialanǵan zań jobasynda qamtyldy. 2022 jyly bul qujat keri qaitaryp alyndy.
Shúlbi GES-i - Semei qalasynan 70 shaqyrym jerde ornalasqan Ertis kaskadyndaǵy úshinshi stantsiia. Ol jobalyq qýaty (702 MVt) boiynsha Qazaqstandaǵy eń iri nysan bolyp tabylady. GES 1987 jyly iske qosyldy.
Óskemen GES-i - Ertis GES kaskadynyń ekinshi satysy jáne Buqtyrma GES kontrrettegishiniń rólin atqarady. Ol 1952 jyly paidalanýǵa berildi. Onyń belgilengen (jobalyq) qýaty - 367,8 MVt, al naqtysynda 335 MVt-ty quraidy. Qos nysan "Samuryq-Qazyna" UÁQ-ǵa tiesili bolǵanǵa deiin QR Energetika ministrliginiń menshiginde bolǵan.
"Samuryq-Energo" AQ - bul "Samuryq-Qazyna" memlekettik holdinginiń qurylymyna kiretin iri kópsalaly elektr energetikalyq holding. Onyń qyzmeti energiiamen jabdyqtaý júiesin qalyptastyrýǵa baǵyttalǵan.
Negizinen, 2025 jyly Memleket basshysynyń tapsyrmasy boiynsha 40-tan astam aýditorlyq is-shara ótkizý josparlanǵan. Sonyń ishinde "Samuryq-Qazyna" qoryna jáne oǵan kiretin ulttyq kompaniialar biýdjeti de tekseriletin bolady.
