Almatyda «referendýmǵa qatysty jazbalar arqyly sailaý quqyǵyn júzege asyrýǵa kedergi keltirdi» degen aiyppen tórt jylǵa bas bostandyǵyn shekteý jazasyna kesilgen qoǵam belsendisi Orazaly Erjanov úkimniń kúshin joiyp, ózin tolyq aqtaýdy surady, dep habarlaidy dalanews.kz.
Apelliatsiialyq shaǵymda Erjanov pen onyń qorǵaýshysy onyń eshqandai zańsyz áreket jasamaǵanyn aityp, aiyptaý úkimin joiýdy talap etken.
Eske salaiyq, biyl mamyr aiynda Almaty qalasynyń Almaly aýdandyq soty Orazaly Erjanovty tórt jylǵa bas bostandyǵyn shekteý jazasyna kesken bolatyn. Sonymen qatar oǵan bes jyl boiy qoǵamdyq-saiasi jáne pýblitsistikalyq qyzmetpen ainalysýǵa tyiym salynǵan.
Jaza merzimine onyń qamaýda jáne úiqamaqta bolǵan ýaqyty esepteldi. Sondai-aq búkil jaza merzimine probatsiialyq baqylaý belgilengen.
Buǵan deiin quqyq qorǵaý organdary Erjanovtyń áleýmettik jelilerdegi referendýmǵa qatysty jariialanymdary azamattardy jańylystyryp, boikot jasaýǵa shaqyrdy dep málimdegen edi. Osy derek boiynsha «sailaý quqyqtaryn júzege asyrýǵa kedergi keltirý» baby boiynsha qylmystyq is qozǵalǵan.
Qazir qoǵam belsendisi apelliatsiialyq tártippen ózine taǵylǵan aiyptyń kúshin joiyp, tolyq aqtalýdy talap etip otyr.
