– Biyl men úshin erekshe jyl bolyp tur. 50 jasqa tolyp, jurtshylyqqa qandaida bir paidamyzdy tigizip, elimizdiń órkendeýine óz úlesimizdi qosa túsýge yqylasym aýdy. Táýelsizdik jyldar elimiz ekonomikalyq turǵydan barynsha damyp, Elbasy Nursultan Nazarbaevtyń sarabdal saiasatynyń arqasynda álem tanityn elge ainaldy. Osy 26 jyl ishinde el-jurt arqa súieitin kásipkerlik orta qalyptasty. Óz basym elimizdegi árbir kásipkerdi elimizdiń nyǵaitýǵa bar kúshin jumsaǵan azamattar dep qabyldaimyn. Osy rette Táýelsizdik jyldar Prezidentimiz shaǵyn jáne orta biznestiń damýyna barynsha jaǵdai jasady. Qazirgi tańda Qazaqstanda biznes ashý, ony júrgizýdiń barynsha damyǵanyn Batys elderiniń ózi moiyndap otyr. Óz basym Táýelsizdik jyldar bizneske bet buryp, búginde jetistikke qol jetkizgen azamattardyń jurtshylyqqa qaiyrymdylyq jasaýy bul elimizde azamattyq qoǵamnyń tolyqtai qalyptasqanyn aiǵaqtai túsedi. Endi ózimniń qolǵa alǵan is-sharalarym jaiynda az-kem aitsam, «50 igi is» jobasy aiasynda L.N.Gýmilev atyndaǵy EUÝ-de jáne «Turan» kolledjinde arnaiy shákirtaqy taǵaiyndap, jaǵdaiy tómen otbasyndaǵy jastardyń alańsyz bilim alýyna jaǵdai jasap jatqan jaiym bar. Sonymen qatar Máskeýde bilim alyp júrgen bir qazaq balasynyń da oqý aqysyn tóleýdi moinyma alyp otyrmyn, – dedi Oralbek Qojamjaruly.
Ata-babalarymyz «Jaqsynyń jaqsylyǵyn ait, nury tasysyn» dep beker aitmaǵan. Qaraqan basynyń qamyn ǵana emes, qataryndaǵylardyń barlyǵynyń baqýatty bolýyna tilektes bolyp júretin Oralbek myrza jaiynda tańdy tańǵa uryp áńgime aitýǵa bolady. Bizdiń bilýimizshe, búgin L.N.Gýmilev atyndaǵy EUÝ ótken is-sharasy Orekeń uiymdastyrǵan qairymdylyq sharasynyń basy da, aiaǵy da (qolyndaǵysyn elmen bólisýge daiar turatyn aptal azamatqa Allam uzaq ǵumyr bersin!) emes. Sondyqtan bolar, ony biletinder, tek isker kásipker ǵana emes, naǵyz azamat retinde qurmetteidi. Men kómek berdim, demeýshilik jasadym dep áńgime qylǵan Orekeńdi kórgen emespin.
Búgingi sharaǵa qatysqanymyzda Oralbek Qojamjaruly L.N.Gýmilev atyndaǵy EUÝ-diń 13 fakýltetine bir-birden bilim grantyn taǵaiyndap, oqýǵa qushtar jandarǵa tapsyrdy. Biylǵy oqý jylynyń basynda «Turan» kolledjinde bilim alyp júrgen 30 stýdenttiń oqý aqysyn kóterip alǵany jáne bar. Oralbek Qojamjarulynan qairymdylyq sharasy jaiynda surai qalsańyz bárin sanamalap aityp jatpaidy. Týmasynan tekti jan bergenin aitpaityny anyq.
Biraq qazir baiaǵy zaman emes. Qaiyrymdylyq sharalaryna bastamashyl bolyp, elge et-júregi buryp turatyn azamattardyń atqarǵan isin atap-atap aitýdyń túk te sókettigi joq. Qaita Orekeńdei atymtai jomarttyń is-áreketi milliondardy qaltasyna basyp, shetelden shyqpaityn kásipkerlerimizge úlgi bolary anyq.
Oralbek Qojamjaruly buǵan deiin qolǵa alǵan qaiyrymdylyq sharalary jaiynda áńgimeleitin bolsaq, áńgime-baianymyzdyń birneshe maqalaǵa sozylatyny anyq. Sondyqtan Orekeńniń eldi eljiretken bir-eki qaiyrymdylyǵy jaiynda aita ketýidi jón sanap otyrmyz. Ol ár qashan óziniń kindik qany tamǵan Báidibek aýdanyndaǵy Qoshqar Ata aýylyna barynsha qamqorlyq jasap keledi. Biyldyń ózinde 7 shaqym jolǵa asfalt tósep berdi. Sonymen qatar aýyl ishinde 48 shaqyrymǵa sozylatyn negizgi kóshelerge 480 sham ornatyp, taýǵan aýylyn samaladai jarqyratyp qoidy. Qazaqtyń darhan dalasynda keń peiil Orekeńniń boiynan jershildikti múlde tappaisyz. Oralbek myrza úshin «ár qazaq onyń jalǵyzy» desek artyq aitqandyq bolmas edi. Sózimiz dáleldi bolý úshin myna bir jaitty da aita keteiik. Búginde metsenat-kásipker Aqtaý qalasyndaǵy 12 móltek aýdanǵa jaryq tartyp, jurttyń rizashylyǵyna bólendi. Aldaǵy ýaqytta Orekeń Mańǵystaýdyń shalǵaida jatqan aýdandaryndaǵy aýyldarǵa jaryqtandyryp, óziniń qaiyrymdylyq sharasyn jalǵastyrmaqshy.
Jomart kisiniń júregi óz bailyǵyna bailanbaýy mańyzdy. Sondyqtan el ishinde júregi el dep soqqan Oralbek Botbai syndy aptal azamattar kóbeigeni el bolyp qalyptasqanymyzdyń belgisi dep esepteimin. Eline súienish bolatyn azamattarymyz kóp bolsyn!
N.ÁÝBÁKIR.
