Politsiia alaiaqtardyń jańa ailasyn tirkei bastady- qylmyskerler azamattardy óz attarynan nesie alýǵa tyiym salý shekteýin (samozapret) alyp tastaýǵa májbúrleidi. Mundai qaqpanǵa qazaqstandyqtar da túsip qalýy múmkin, dep habarlaidy Dalanews.kz.
Alaiaqtar qarapaiym azamattardy aldaý úshin únemi jańa qylmystyq tásilderdi oilap tabýda. Jýyrda ǵana olardyń «Stop kredit» atty qorǵanys tetigine beiimdelip alǵany belgili boldy.
TASS agenttiginiń habarlaýynsha, alaiaqtar salyq qyzmetiniń atynan qońyraý shalyp, adamǵa qaryzy bar ekenin nemese kredittik tarihynda qate ketkenin aitady. Sol máseleni sheshý úshin olar nesie rásimdeýge qoiylǵan jeke shekteýdi (samozapretti) alyp tastaýdy suraidy.
Qazaqstanda da «Stop kredit» dep atalatyn nesieden bas tartý tetigi bar. Sondyqtan alaiaqtardyń qurbanyna qazaqstandyqtar da ainalýy ábden múmkin.
Qylmyskerlerdiń qurbanyna ainalmaý úshin qazaqstandyqtar mynany este saqtaýy kerek: eshbir memlekettik organ, bank nemese basqa da eshqandai mekeme azamatty «banktik nesie men mikrokreditterden erikti túrde bas tartý» qyzmetin óshirýge májbúrlei almaidy.
