Tanymal ázilkesh Tursynbek Qabatovtyń jubaiy Aiman áleýmettik jelidegi paraqshasynda marqum ájesin eske alyp, áserli jazba jariialady, dep habarlaidy dalanews.kz.
Ol jazbasynda ájesine degen saǵynyshyn jetkizip, onyń meiirimge toly alaqanyn erekshe yqylaspen eske alǵan.
"Men úshin eń asyl, eń jumsaq, eń ystyq, eń meiirimdi, eń tátti, eń berekeli, eń shipa, eń qadirli alaqan edi. Biraq sol jupar ańqyǵan appaq alaqandy ustamaǵanyma, sezbegenime, súimegenime, iiskemegenime 5 jyl bolypty. Men úshin 50 jyl sekildi. Ishtegi sol máńgi saǵynysh sezimimdi ózim jáne bir Alla ǵana biledi. Bul qolǵa qarasań, beinet kórinetindei. Asyl ájem, ǵasyr ájem, jánnattyń tórinen oryn buiyrsyn", – dep jazdy ol.
Aimannyń jazbasy jeli qoldanýshylaryn beijai qaldyrmady. Oqyrmandar oǵan kóńil aityp, marqum ájesine duǵa-tilekterin arnady.
