AQSh prezidenti Donald Tramp týǵan kúninde Resei prezidenti Vladimir Pýtin jáne Ýkraina prezidenti Vladimir Zelenskiimen jeke-jeke telefon arqyly sóilesti, dep habarlaidy dalanews.kz.
Kremldiń syrtqy saiasat jónindegi kómekshisi Iýrii Ýshakovtyń aitýynsha, Pýtin men Tramptyń áńgimesi shamamen bir saǵatqa sozylyp, ashyq ári dostyq jaǵdaida ótken.
Taraptar halyqaralyq kún tártibindegi ózekti máselelerdi, AQSh pen Iran arasyndaǵy kelissózderdi, Vashington men Máskeý arasyndaǵy qarym-qatynasty, sondai-aq Ýkrainadaǵy soǵysqa qatysty ahýaldy talqylaǵan. Sonymen qatar sońǵy ýaqytta Ýkraina kúshteriniń Resei aýmaǵyndaǵy nysandarǵa jasaǵan shabýyldary da sóz bolǵan.
Iýrii Ýshakovtyń málimetinshe, AQSh ókilderi Stiv Ýitkoff pen Djared Kýshner jaqyn arada Reseige barýy múmkin.
Al Vladimir Zelenskii Donald Trampty týǵan kúnimen quttyqtap, onymen beibitshilik máselesin jáne maidandaǵy jaǵdaidy talqylaǵan.
Sondai-aq Ýkraina prezidentiniń Tramppen birge dúisenbi kúni bastalatyn G7 sammitine qatysýy kútiledi. Bloomberg agenttiginiń habarlaýynsha, jiyn Frantsiiada ótedi.
