اقش پرەزيدەنتٸ دونالد ترامپ تۋعان كٷنٸندە رەسەي پرەزيدەنتٸ ۆلاديمير پۋتين جەنە ۋكراينا پرەزيدەنتٸ ۆلاديمير زەلەنسكييمەن جەكە-جەكە تەلەفون ارقىلى سٶيلەستٸ, دەپ حابارلايدى dalanews.kz.
كرەملدٸڭ سىرتقى ساياسات جٶنٸندەگٸ كٶمەكشٸسٸ يۋريي ۋشاكوۆتىڭ ايتۋىنشا, پۋتين مەن ترامپتىڭ ەڭگٸمەسٸ شامامەن بٸر ساعاتقا سوزىلىپ, اشىق ەرٸ دوستىق جاعدايدا ٶتكەن.
تاراپتار حالىقارالىق كٷن تەرتٸبٸندەگٸ ٶزەكتٸ مەسەلەلەردٸ, اقش پەن يران اراسىنداعى كەلٸسسٶزدەردٸ, ۆاشينگتون مەن مەسكەۋ اراسىنداعى قارىم-قاتىناستى, سونداي-اق ۋكرايناداعى سوعىسقا قاتىستى احۋالدى تالقىلاعان. سونىمەن قاتار سوڭعى ۋاقىتتا ۋكراينا كٷشتەرٸنٸڭ رەسەي اۋماعىنداعى نىساندارعا جاساعان شابۋىلدارى دا سٶز بولعان.
يۋريي ۋشاكوۆتىڭ مەلٸمەتٸنشە, اقش ٶكٸلدەرٸ ستيۆ ۋيتكوفف پەن دجارەد كۋشنەر جاقىن ارادا رەسەيگە بارۋى مٷمكٸن.
ال ۆلاديمير زەلەنسكيي دونالد ترامپتى تۋعان كٷنٸمەن قۇتتىقتاپ, ونىمەن بەيبٸتشٸلٸك مەسەلەسٸن جەنە مايدانداعى جاعدايدى تالقىلاعان.
سونداي-اق ۋكراينا پرەزيدەنتٸنٸڭ ترامپپەن بٸرگە دٷيسەنبٸ كٷنٸ باستالاتىن G7 سامميتٸنە قاتىسۋى كٷتٸلەدٸ. Bloomberg اگەنتتٸگٸنٸڭ حابارلاۋىنشا, جيىن فرانتسييادا ٶتەدٸ.
