Qazaqstannyń Konstitýtsiialyq soty Almaty ákimdiginiń Shymbulaq shatqalyna tek elektr kólikteriniń kirýine ruqsat bergen qaýlysyn zańsyz dep tanydy, dep habarlaidy dalanews.kz.
Sottyń bul sheshimi Tuiyqsý shatqalynda turatyn turǵynnyń shaǵymynan keiin qabyldanǵan.
Ótinish iesiniń aitýynsha, onyń úiine aparatyn jalǵyz jol Shymbulaq arqyly ótedi. Alaida Tuiyqsý aýmaǵynda asfalt tóselmegendikten, elektr kóligin jalǵyz ruqsat etilgen kólik retinde paidalaný is júzinde múmkin bolmaǵan.
Konstitýtsiialyq sot engizilgen shekteýler azamattardyń quqyqtaryn buzyp, olardyń turǵylyqty jerine jetýine negizsiz kedergiler keltirgen degen qorytyndyǵa kelgen.
Osylaisha, Shymbulaqqa kádimgi benzin jáne dizel qozǵaltqyshymen júretin kólikterdiń kirýine qoiylǵan tyiym kúshin joidy. Al Almaty ákimdiginiń tiisti qaýlysy qoldanystaǵy zańnamaǵa sáikes kelmeidi dep tanyldy.
