Qyrǵyzstanda 17 jastaǵy Aisýlýý Mýkashevanyń ólimine qatysty is tergelip jatyr. Bul oqiǵa qoǵamda úlken rezonans týdyryp, ólim jazasyn qaita engizý máselesin talqylaýǵa túrtki boldy, dep habarlaidy Dalanews.kz.
Qyrǵyzstan IIM- niń málimetinshe, Aisýlýý Mýkashevanyń ólimine kúdikti retinde ustalǵan 41 jastaǵy Kýmarbek A. tergeý barysynda taǵy bir qylmysyn- 2014 jyly jasalǵan Kamila Dýishebaevanyń adam óltirý isin moiyndaǵan. Vedomstvonyń habarlaýynsha, kúdikti buryn birneshe ret sottalǵan. Tergeý derekterine súiensek, ol qylmystaryn jasyrý úshin jalǵan qujattar paidalanyp, sybailastarymen birge áreket etken bolýy múmkin, dep jazady 24.kg.
IIM hronologiiasy boiynsha, Kýmarbek qatysqan alǵashqy tirkelgen oqiǵa 2006 jyly bolǵan- ol kezde ol qaraqshylyq úshin ustalǵan. Keiinirek ol 2011 jyly beitanys qyzdy óltirgenin jáne 2015 jyly jasalǵan kisi óltirýge talpynǵan áreketin moiyndaǵan.
Kúdiktiniń aitýynsha, Kamila Dýishebaevany óltirgennen keiin úsh kún ótken soń ol taǵy bir zorlyq sipatyndaǵy qylmys jasaǵan. Tergeýshilerge ol buǵan deiin qurbandarynyń denesi tabylǵan oryndardy kórsetken. Kamilanyń máiiti 2014 jyly Baitik aýylyndaǵy zirattan tabylǵan. Saraptama nátijesinde qyzdyń oramalmen tunshyqtyryp óltirilgeni anyqtalǵan. Bul is búginge deiin ashylmai kelgen.
