Belgili qazaqstandyq kásipker Bolat Ótemuratov óziniń negizgi aktivteriniń biri RG Gold kompaniiasyn qytailyq investorlarǵa satqan, dep habarlaidy Dalanews.kz.
Jai Sandar telegram arnasyndaǵy málimetke súiensek, kelisim quny 1,2 milliard dollardy quraidy. Ótemuratov myrzanyń atalǵan kompaniiadaǵy úlesi 65 paiyz bolǵan. Osy mámile nátijesinde ol shamamen 700–800 million dollardy qolma-qol qarajat túrinde alatyny habarlanǵan.
Aita keteiik, buǵan deiin Bolat Ótemuratov ATF Bank bankin italiialyqtarǵa 2,2 milliard dollarǵa satqan edi.
Eske salaiyq, qarjyger Arman Bataev Forte Bank aktsiialaryn baǵalaý ádistemesindegi sońǵy ózgeris minoritarlyq aktsionerlerden úlesterdi naryqtaǵydan áldeqaida tómen baǵamen májbúrli túrde satyp alýǵa daiyndyq bolýy múmkin dep boljaǵan edi. Ol bul qadam bank sektoryndaǵy birigý turǵysyndaǵy iri operatsiialar aiasynda qarastyrylyp jatqanyn aitady.
Qarjyger Arman Bataevtyń Telegram-daǵy Finmentor arnasynda bank aktsiiasynyń basym bóligine ie Bolat Ótemuratov baǵalaý erejelerindegi sońǵy ózgeristerdi paidalana otyryp, Forte Bank aktsiialaryn tolyqtai bir jerge shoǵyrlandyrýǵa daiyndalyp jatqanyn boljaidy. Al jańa ádis boiynsha satyp alý baǵasy naryqtyq baǵadan 4 esege tómendetilip otyr. Sarapshy osyǵan basa nazar aýdartady. Oǵan qaǵazdardy balanstyq quny boiynsha baǵalaý múmkindigi qosyldy.
Bul jańashyldyq baǵada aitarlyqtai aiyrmashylyǵyn týdyrady:
- balanstyq quny boiynsha baǵa: bir aktsiia úshin 5,11 teńge;
- sońǵy 30 kúndegi birjada tirkelgen ortasha naryqtyq baǵa: bir aktsiia úshin 18-19 teńge.
1 shildedegi jaǵdai boiynsha Bolat Ótemuratov Forte Bank aktsiialarynyń 91,1%-yna ielik etedi. Arman Bataev atap ótkendei, "Aktsionerlik qoǵamdar týraly" QR Zańynyń 25-1-babyna sáikes, jariia aktsionerdiń úlesi 95%-ǵa jetkende, ol qalǵan aktsiialardy barlyq minoritariilerden májbúrli túrde satýdy talap etýge zańdy quqyq alady.
