Taiaýda «Shevron» komnaiiasynyń qoldaýymen Almatyda mektep oqýshylary arasynda «IITU Robocon Games» úshinshi ret robototehnika salasy boiynsha chempionat bolyp ótti. Almatydaǵy «Miras» mektebinde ótken sharaǵa Almaty qalasy men Almaty oblysyndaǵy fizika men matematika pánderin tereńdetip oqytatyn úzdik mektepterdiń oqýshylary qatysyp, ózderi qurastyrǵan robottarynyń synady.
– Búgingi jarysqa bizdiń «Miras» mektebinen birneshe komanda qatysyp jatyr. Ózim sońǵy ýaqyttary robototehnika salasyna qatty qyzyǵyp júrmin. Robototehnika salasynda komanda bolyp jumys isteýdiń mańyzy zor. Robotty bir ǵana adam qurastyrmaidy. Aitalyq, bizdiń uzyn qoly bar qultemir birneshe bala birigip qurastyrdyq. Birimiz robottyń konstrýktsiiasyn jasasa, baǵdarlamashy dostarymyz robottyń baǵadarlamasyn jasap, ony jadyna engizdi. Bolashaqta robototehnika salasy boiynsha maman bolǵam keledi. Qazirgi tańda damyǵan elderdi óndiris oshaqtarynda adam densaýlyǵyna zalaldy jumystardy bárin de robottar atqarydy. Bolashaqta óndiris salasyna qajetti robattardy qurastyrǵym keledi. Osy baǵytta bilimimdi keńeitýdi kózdep otyrmyn, – dedi.
Almaty oblysy Talǵar aýdanyndaǵy "Arystan" mamandandyrylǵan litseiiniń túlekteri áskeri salaǵa arnalǵan robottaryn jurtshylyq nazaryna usyndy. Litsei túlekteri bolashaqta túrli aýmaqtardy áskeri minalardan zalalsyzdandyratyn robottardy qurastyrýǵa yntaly ekenderin aitty. Jarysqa qatysyp, túrli robottardy tamashalaǵynda qazaq jastarynyń robototehnika salasyna degen qyzyǵýshylyǵy joǵary ekenin baiqadyq.
Búginde qarapaiym ǵana robottardy qurastyrǵan jastarymyz bolashaqta Qazaqstanda innovatsiialyq ekonomikaǵa bet burǵan Ortalyq Aziiadaǵy mańyzdy elge ainaldyratyny anyq. Qazaqstandaǵy robototehnika salasyn damytýdyń mańyzyn túsingen «Shevron» kompaniiasy novator jastardyń basyn qosyp, úlken iske bastamashy bolǵanyn quptaimyz.
Osy rette aitýly sharany uiymdastyrýǵa barynsha kúsh salyp júrgen Halyqaralyq aqparattyq tehnologiialar ýniversitetiniń qyzmetkerleriniń de eńbegi zor ekenin aita ketýimiz kerek. Oqý oryn basshylary búginde Qazaqstanda robototehnika salasyn jastardyń qyzyǵýshylyǵyn oiatý úshin arnaiy oqý baǵdarlamasyn daiyndap, ony elimizdegi birqatar mektepterge engizipti. Osy oqý baǵdarlamasy boiynsha tálim alǵan jastar «IITU Robocon Games» saiysynyń kórkin qyzdyrdy. Mundai jarystar Qazaqstanda ziiatker ultqa ainaldyryp, innovatsiialyq tehnologiianyń igiligin kórýge negiz bolatyny anyq.
Nurlan Jumaqanov
https://dalanews.kz/28308
