تاياۋدا «شەۆرون» كومنايياسىنىڭ قولداۋىمەن الماتىدا مەكتەپ وقۋشىلارى اراسىندا «IITU Robocon Games» ٷشٸنشٸ رەت روبوتوتەحنيكا سالاسى بويىنشا چەمپيونات بولىپ ٶتتٸ. الماتىداعى «ميراس» مەكتەبٸندە ٶتكەن شاراعا الماتى قالاسى مەن الماتى وبلىسىنداعى فيزيكا مەن ماتەماتيكا پەندەرٸن تەرەڭدەتٸپ وقىتاتىن ٷزدٸك مەكتەپتەردٸڭ وقۋشىلارى قاتىسىپ, ٶزدەرٸ قۇراستىرعان روبوتتارىنىڭ سىنادى.
– بٷگٸنگٸ جارىسقا بٸزدٸڭ «ميراس» مەكتەبٸنەن بٸرنەشە كوماندا قاتىسىپ جاتىر. ٶزٸم سوڭعى ۋاقىتتارى روبوتوتەحنيكا سالاسىنا قاتتى قىزىعىپ جٷرمٸن. روبوتوتەحنيكا سالاسىندا كوماندا بولىپ جۇمىس ٸستەۋدٸڭ ماڭىزى زور. روبوتتى بٸر عانا ادام قۇراستىرمايدى. ايتالىق, بٸزدٸڭ ۇزىن قولى بار قۇلتەمٸر بٸرنەشە بالا بٸرٸگٸپ قۇراستىردىق. بٸرٸمٸز روبوتتىڭ كونسترۋكتسيياسىن جاساسا, باعدارلاماشى دوستارىمىز روبوتتىڭ باعادارلاماسىن جاساپ, ونى جادىنا ەنگٸزدٸ. بولاشاقتا روبوتوتەحنيكا سالاسى بويىنشا مامان بولعام كەلەدٸ. قازٸرگٸ تاڭدا دامىعان ەلدەردٸ ٶندٸرٸس وشاقتارىندا ادام دەنساۋلىعىنا زالالدى جۇمىستاردى بەرٸن دە روبوتتار اتقارىدى. بولاشاقتا ٶندٸرٸس سالاسىنا قاجەتتٸ روباتتاردى قۇراستىرعىم كەلەدٸ. وسى باعىتتا بٸلٸمٸمدٸ كەڭەيتۋدٸ كٶزدەپ وتىرمىن, – دەدٸ.
الماتى وبلىسى تالعار اۋدانىنداعى "ارىستان" مامانداندىرىلعان ليتسەيٸنٸڭ تٷلەكتەرٸ ەسكەري سالاعا ارنالعان روبوتتارىن جۇرتشىلىق نازارىنا ۇسىندى. ليتسەي تٷلەكتەرٸ بولاشاقتا تٷرلٸ اۋماقتاردى ەسكەري مينالاردان زالالسىزداندىراتىن روبوتتاردى قۇراستىرۋعا ىنتالى ەكەندەرٸن ايتتى. جارىسقا قاتىسىپ, تٷرلٸ روبوتتاردى تاماششالاعىندا قازاق جاستارىنىڭ روبوتوتەحنيكا سالاسىنا دەگەن قىزىعۋشىلىعى جوعارى ەكەنٸن بايقادىق.
بٷگٸندە قاراپايىم عانا روبوتتاردى قۇراستىرعان جاستارىمىز بولاشاقتا قازاقستاندا يننوۆاتسييالىق ەكونوميكاعا بەت بۇرعان ورتالىق ازيياداعى ماڭىزدى ەلگە اينالدىراتىنى انىق. قازاقستانداعى روبوتوتەحنيكا سالاسىن دامىتۋدىڭ ماڭىزىن تٷسٸنگەن «شەۆرون» كومپانيياسى نوۆاتور جاستاردىڭ باسىن قوسىپ, ٷلكەن ٸسكە باستاماشى بولعانىن قۇپتايمىز.
وسى رەتتە ايتۋلى شارانى ۇيىمداستىرۋعا بارىنشا كٷش سالىپ جٷرگەن حالىقارالىق اقپاراتتىق تەحنولوگييالار ۋنيۆەرسيتەتٸنٸڭ قىزمەتكەرلەرٸنٸڭ دە ەڭبەگٸ زور ەكەنٸن ايتا كەتۋٸمٸز كەرەك. وقۋ ورىن باسشىلارى بٷگٸندە قازاقستاندا روبوتوتەحنيكا سالاسىن جاستاردىڭ قىزىعۋشىلىعىن وياتۋ ٷشٸن ارنايى وقۋ باعدارلاماسىن دايىنداپ, ونى ەلٸمٸزدەگٸ بٸرقاتار مەكتەپتەرگە ەنگٸزٸپتٸ. وسى وقۋ باعدارلاماسى بويىنشا تەلٸم العان جاستار «IITU Robocon Games» سايىسىنىڭ كٶركٸن قىزدىردى. مۇنداي جارىستار قازاقستاندا زيياتكەر ۇلتقا اينالدىرىپ, يننوۆاتسييالىق تەحنولوگييانىڭ يگٸلٸگٸن كٶرۋگە نەگٸز بولاتىنى انىق.
نۇرلان جۇماقانوۆ
https://dalanews.kz/28308
