Batys Qazaqstan oblysynyń Aqjaıyq aýdanynda 58 jyldan keıin alǵash ret qolǵa alynǵan Kırov sý qoımasyn kúrdeli rekonstrýksıalaý jumystary aıaqtalýǵa jaqyn. Joba aıasynda uzyndyǵy 8 shaqyrymnan asatyn «Kóshim» kanaly, uzyndyǵy 3 shaqyrymnan asatyn sý qoımasynyń bógeti, sondaı-aq Pervomaı, Býdarın jáne Kırov-CHıjın kanaldary jóndelip jatyr, dep habarlaıdy Dalanews.kz
Budan bólek, uzyndyǵy 2,2 shaqyrymnan asatyn eki elektr jelisi men 3,77 shaqyrymdyq syrtqy jaryqtandyrý júıesi salynyp, beınebaqylaý, avtomattandyrylǵan eskertý júıeleri men baqylaý-ótkizý pýnktteri ornatylýda.
«Joba júzege asqan soń Kırov sý qoımasynyń beriktigi artyp, tutynýshylarǵa sýarmaly sý úzdiksiz beriledi. Rekonstrýksıa nysannyń syıymdylyǵyn ulǵaıtyp, onyń fýnksıonaldyq múmkindikterin jaqsartady. Nátıjesinde Batys Qazaqstan oblysynyń 12 myń gektardan astam egistik alqaptary sýmen qamtamasyz etiledi», – dedi Sý resýrstary jáne ırrıgasıa mınıstri Nurjan Nurjigitov.
Eske salaıyq, Kırov sý qoımasy 1967 jyly paıdalanýǵa berilgen, jalpy syıymdylyǵy – 62,9 mln tekshe metr. Bul nysan – Oral-Kóshim sýarý jáne sýlandyrý júıesiniń mańyzdy bóligi.
