باتىس قازاقستان وبلىسىنىڭ اقجايىق اۋدانىندا 58 جىلدان كەيٸن العاش رەت قولعا الىنعان كيروۆ سۋ قويماسىن كٷردەلٸ رەكونسترۋكتسييالاۋ جۇمىستارى اياقتالۋعا جاقىن. جوبا اياسىندا ۇزىندىعى 8 شاقىرىمنان اساتىن «كٶشٸم» كانالى, ۇزىندىعى 3 شاقىرىمنان اساتىن سۋ قويماسىنىڭ بٶگەتٸ, سونداي-اق پەرۆوماي, بۋدارين جەنە كيروۆ-چيجين كانالدارى جٶندەلٸپ جاتىر, دەپ حابارلايدى Dalanews.kz
بۇدان بٶلەك, ۇزىندىعى 2,2 شاقىرىمنان اساتىن ەكٸ ەلەكتر جەلٸسٸ مەن 3,77 شاقىرىمدىق سىرتقى جارىقتاندىرۋ جٷيەسٸ سالىنىپ, بەينەباقىلاۋ, اۆتوماتتاندىرىلعان ەسكەرتۋ جٷيەلەرٸ مەن باقىلاۋ-ٶتكٸزۋ پۋنكتتەرٸ ورناتىلۋدا.
«جوبا جٷزەگە اسقان سوڭ كيروۆ سۋ قويماسىنىڭ بەرٸكتٸگٸ ارتىپ, تۇتىنۋشىلارعا سۋارمالى سۋ ٷزدٸكسٸز بەرٸلەدٸ. رەكونسترۋكتسييا نىساننىڭ سىيىمدىلىعىن ۇلعايتىپ, ونىڭ فۋنكتسيونالدىق مٷمكٸندٸكتەرٸن جاقسارتادى. نەتيجەسٸندە باتىس قازاقستان وبلىسىنىڭ 12 مىڭ گەكتاردان استام ەگٸستٸك القاپتارى سۋمەن قامتاماسىز ەتٸلەدٸ», – دەدٸ سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ.
ەسكە سالايىق, كيروۆ سۋ قويماسى 1967 جىلى پايدالانۋعا بەرٸلگەن, جالپى سىيىمدىلىعى – 62,9 ملن تەكشە مەتر. بۇل نىسان – ورال-كٶشٸم سۋارۋ جەنە سۋلاندىرۋ جٷيەسٸنٸڭ ماڭىزدى بٶلٸگٸ.
