Astanadaǵy qurylys alańdarynyń birinde 17 jastaǵy stýdent Ersultan qaza tapty. Bul qaiǵyly oqiǵa úsh apta buryn bolǵan, dep habarlaidy Dalanews.kz. Almaty.tv arnasyna silteme jasap.
Sol qaiǵyly kúni, marqumnyń týystarynyń aitýynsha, qubyr jelisin tartý úshin transheia qazý jumystary júrgizilip jatqan. Jumys barysynda qurylys krandarynyń biri beton irgetasty kóterip jatqanda, aýyr qurylym jas jigitti basyp qalǵan. Ersultan alǵan aýyr jaraqattardan oqiǵa ornynda qaza tapty.
Ol temirjol kolledjiniń úshinshi kýrsynda grantpen oqityn. Anasynyń aitýynsha, Ersultan úiine jaqyn mańdaǵy qurylys alańynda qosymsha tabys tabý úshin jumysshy bolyp júrgen. Qaiǵyly oqiǵa bolǵan kúni uly keshki altyǵa deiin úige oralatynyn aitqan. Alaida sol ýaqytta politsiiadan qaraly habar kelgen.
Ersultannyń anasynyń aitýynsha, qaiǵyly oqiǵadan keiin de qurylys alańyndaǵy jumystar toqtatylmaǵan. Ata- anasy kompaniianyń kámeletke tolmaǵan balany jumysqa alarda qujattaryn teksermegenine ań- tań. Bul jait qaiǵyly oqiǵadan keiin ǵana belgili boldy. Jaqyndary ádil tergeý júrgiziledi degen úmitte.
Politsiia bul oqiǵa boiynsha qylmystyq is qozǵady. Sol kúni krandy basqarǵan jumysshylardyń qanynan esirtki zattary tabylǵan. Marqumnyń týystarynyń aitýynsha, olar eki adam bolǵan. Ekeýi de 15 táýlikke tergeý izoliatoryna qamalǵan.
