Almatyda inkliýzivti bilim berý boiynsha dúniejúzilik kongress ótip jatyr, dep habarlaidy Dalanews.kz.
Qazaqstanda Memleket basshysy Qasym-Jomart Kemeluly Toqaevtyń bastamasymen balalarǵa teń ári qoljetimdi, qaýipsiz orta qalyptastyrýǵa jáne sapaly bilim berýge baǵyttalǵan aýqymdy áleýmettik reformalar júieli túrde júzege asyrylýda.
2025 jyldyń qańtarynda Londonda ótken Bett Show halyqaralyq kórmesinde Qazaqstannyń inkliýzivti jáne arnaiy bilim berý salasyndaǵy jetistikteri joǵary baǵalanyp, Búkilálemdik inkliýzivti bilim jónindegi alǵashqy Kongresti Qazaqstanda ótkizý týraly sheshim qabyldandy. Búgin Almaty qalasynda ótip jatqan bul aýqymdy sharaǵa álemniń 40 elinen 1200-den astam sarapshy qatysýda.
2021 jyly alǵash ret Prezidenttiń bastamasymen barlyq balanyń erekshe bilim berý qajettilikterin eskeretin «Inkliýzivti bilim berý máseleleri boiynsha Qazaqstan Respýblikasynyń keibir zańnamalyq aktilerine ózgerister men tolyqtyrýlar engizý týraly» Zań qabyldandy. Bul zań erekshe bilim berý qajettilikteri bar balalardyń sapaly bilim alýyna, olardyń quqyqtaryn qorǵaýǵa jáne múmkindikterin keńeitýge baǵyttalǵan zańnamalyq bazany aitarlyqtai kúsheitti. Memleket tarapynan inkliýzivti bilim berý júiesinde barlyq deńgeide oqytýǵa jaǵdai jasaý kepildikteri bekitilip, psihologiialyq-pedagogikalyq súiemeldeý men bilim berý qajettilikterin baǵalaý tetikteri engizildi.
Psihologiialyq-pedagogikalyq súiemeldeýdiń úsh deńgeili modeli, sondai-aq múmkindigi shekteýli balalar úshin arnaiy standart ázirlendi. Balalardy bilim berý uiymdarynda súiemeldeý jáne qoldaý maqsatynda bilim berý uiymdarynyń tiptik shtattaryna jańa laýazymdar engizildi. Nátijesinde, búginde mektepterde 10 myńǵa jýyq arnaiy pedagog psihologiialyq-pedagogikalyq qoldaý kórsetedi, 1000-ǵa jýyq bala jeke kómekshimen qamtyldy, balabaqshalar men kolledjderde pedagog-assistent laýazymy engizildi. Inkliýzivti bilim berý úshin jaǵdai jasalǵan bilim berý uiymdarynyń úlesi 91%-ǵa, arnaiy psihologiialyq-pedagogikalyq qoldaýmen qamtý 85% jetti.
Elimizde erekshe balalardy qoldaý infraqurylymy qarqyndy damýda. Qazirgi tańda 509 arnaiy uiym, sonyń ishinde 46 arnaiy balabaqsha, 99 arnaiy mektep, 110 PMPK, 230 túzetý kabineti, 11 aýtizm ortalyǵy jáne 13 ońaltý ortalyǵy jumys isteidi. Sonymen qatar, óńirlerde 1000-nan astam qoldaý kabineti ashylǵan. Memleket basshysynyń tapsyrmasymen aýtizm ortalyqtarynyń jelisi keńeitilip, balalardy týǵannan bastap mamandyq alǵanǵa deiin súiemeldeý tujyrymdamasy bekitildi. Sońǵy eki jylda oqý-ádistemelik bazany jetildirý maqsatynda 97 oqýlyq, 88 tiptik baǵdarlama jáne 50 ádistemelik usynym ázirlendi.
Inkliýzivti bilim berýdiń tiimdiligin arttyrýda tsifrlandyrý mańyzdy ról atqarýda. Ulttyq bilim berý derekter qorynda arnaiy modýlder iske qosylyp, erekshe bilim berý qajettiligi bar balalardy qoldaý jónindegi memlekettik qyzmetter tolyq avtomattandyryldy. Bul júie memlekettik aqparattyq júielermen integratsiialanyp, protsesterdi aitarlyqtai jeńildetti. Nátijesinde, psihologiialyq-meditsinalyq-pedagogikalyq konsýltatsiialardaǵy kezektilik 50 paiyzǵa deiin qysqardy.
Búginde Memleket basshysynyń Ulttyq quryltaidyń IV otyrysynda bergen tapsyrmasyna sáikes «Múmkindigi shekteýli balalardy keshendi qoldaý týraly» zań jobasy ázirlendi. Bul qujat alǵash ret bilim berý, densaýlyq saqtaý jáne áleýmettik qorǵaý salalarynyń ózara is-qimylyn biriktiretin keshendi tásilge negizdelmek. Maqsat – erekshe qajettilikteri bar balalardyń bilim alý, meditsinalyq jáne áleýmettik qyzmetterge qol jetkizýin vedomstvoaralyq úilestirý qaǵidasymen qamtamasyz etý.
Prezident Qasym-Jomart Toqaev atap ótkendei, adami kapitaldy damytýǵa baǵyttalǵan innovatsiialyq tásilder árbir balanyń áleýetin tolyq ashýǵa múmkindik berip, qoǵamnyń teń jáne ádil damýyna jol ashady. Inkliýzivti bilim berý – Qazaqstannyń áleýmettik saiasatynyń jańa sapalyq deńgeiin aiqyndaityn mańyzdy baǵyttardyń birine ainaldy.
