Joǵary oqý ornyn qalai tańdaýǵa bolady?
«Men osydan birtalai jyl buryn Abai atyndaǵy Qazaq ulttyq pedagogikalyq ýniversitetin tańdadym. Tańdaýyma negiz bolǵan bul oqý orny Qazaqstandaǵy alǵashqy joǵarǵy oqý orny. 1928 jyly ashyldy jáne ár túrli ǵylym salalary men mamandyqtar boiynsha kóp tájiribe jinaqtalǵan. Pedagogika men onyń ádistemesi salasy boiynsha alǵan bilimim osy kúnge deiin senimdi maman bolýyma kómektesti.Sol alǵan tájiribeme súiene otyryp, joǵary oqý ornyn qalai tańdaýǵa bolatyny jaily tómendegidei keńester usynamyn», - deidi B.Jigitbekova.
Tańdaǵan joǵary oqý orny men mamandyqtyń da akkreditatsiiadan ótkendi týraly aqparat alý kerek. Ýniversitettiń statýsyn jáne bilim berý salasy naryǵyndaǵy ózin kórsete alý ornyn bilýde de mańyzdy. Sonymen qatar joǵary oqý ornynyń talai jylǵy tarihy da sol joǵary oqý ornyna degen senimdilikti arttyrady.
Tańdaǵan oqý ornynyń bilim berý baǵdarlamalarymen tanysý. Ol baǵdarlamalardy igergende «Qandai mamandyq iesi bolyp shyǵamyn?» -degen suraqqa jaýap alý maqsatynda tańdaǵan mamandyqtyń baǵdarlamalarymen tanysyńyz. Esińizde bolsyn, siz tańdaǵan mamandyqtyń baǵdarlamalary basqa joǵary oqý orny badarlamalarymen birdei bolmaidy. Sol sebepten artyqshylyqtary men kemshilikterin tarazyǵa salyp, óz júregińizden ótkize alý kerek. Bolashaqta súiikti mamandyǵyǵyńyzdyń iesi bolýyna mamandyq baǵdarlamalarynyń praktikaǵa baǵyttalyp qurastyrylýyn da qadaǵalańyz.
Joǵary oqý orny memlekettik nemese memlekettik emes pe onyń da ózindik ereksheligi bolady. Memlekettik joǵary oqý oryndary memlekettik suranysty qanaǵattandyrý maqsatynda biýdjettik oryndar kóbirek bólinýi múmkin. Biraq tańdaý óz erkińizde.
Aqyly bólimde oqityn bolsańyz, oqý aqysynyń infliatsiiaǵa bailanysty qansha paiyzǵa ósip otyratynyn nemese eshqandai ósim bolmaitynyn anyqtap alyńyz. Oqý aqysyn tóleýde tiimdi keste iaǵni semestrge bólip tóleý múmkindigi týraly da anyqtaý artyq bolmaidy. Ýniversitet tarapynan beriletin jeńildikterdi bilý qajet.
Joǵary oqý ornynyń jatahanamen qamtamasyz ete alatyny jaily málimet alyńyz. Jatahanada orynnyń da jetkilikti bolýyna nazar aýdaryńyz. Jatahananyń korpýstan alys ornalaspaýy da, siz tańdaǵan oqý orny týraly jaǵymdy sipat bere alady. Sonymen qatar oqý korpýstarynyń tehnikalyq quraldarmen jabdyqtalýy, ashananyń bolýyna da mán aýdaryńyz.
Joǵary oqý ornynyń professor-oqytýshylar quramy da mańyzdy oryn alady. Basym bóliginiń ǵylym doktorlary men ǵylym kandidattarynyń bolýy magistrik jáne doktorlyq dissertatsiiany qorǵaýda jetekshilik jasaýǵa múmkindik bolady. Joǵary oqý ornynyń ǵylymi bedelin arttyryp, jańa ǵylymi jobalalar jasaýǵa kómek beredi. Sonymen qatar sheteldik joǵary oqý oryndarmen akademiialyq bailanystary týraly da aqparattar alý sizdiń tolyq sol oqý ornyn tańdaýǵa degen senimdilikti arttyrady.
Stýdenttik ómir tynysy da oqý ornyn tańdaýda ózindik róli bar. Jastar uiymy, stýdenttik klýbtar, basqa da uiymdar sonymen qatar stýdentterdiń áleýmettik máselesin naqty sheshe alatyn ortalyqtyń bolýy da mańyzdy.
Sondai-aq, joǵary oqý orny basshylyǵynyń ashyqtyǵyn jáne onyń bilim alýshylarmen keri bailanysyn eskerý mańyzdy.
Joǵary oqý ornyn tańdaýda sizderge sáttilik tileimiz!
