Al sarqandyq Nazigúl Batyrhan alǵashqy tigin ónerin quraq kópeden bastap, qazir óz qolymen tigilgen úi intererin bezendirýge arnalǵan stildi aksessýarlaryn tutynýshylarǵa usyna bastady. Tigin sheberleri jeke is ashýdyń alǵashqy baspaldaqtary qalai bastalǵanyn aityp berdi.
– Quraq quraý, tekemet basý, syrmaq tigý syndy ulttyq dástúrimizdi bala kezden boiymyzǵa sińirip óstik. Apalarymyzǵa qolǵabys etip, tigin tehnikasyn úirendik. Jalpy tigin tigý sheberligi – maǵan anamnan daryǵan óner. Alǵashynda tek úide tapsyrys qabyldap, keiin halyqtyń kóńilinen shyǵyp, suranys ulǵaiǵan soń tigin sheberhanasyn ashý týraly oi keldi.
Qyzym da meniń bastamamdy qoldap, óz kásibimizdi jolǵa qoiý úshin memlekettik baǵdarlamalarǵa qatysýǵa suranys bildirdik. Usynǵan jobamyz jeńiske jetip, óz isimizdi bastap kettik. Sheberhanada 6 adam jumys isteimiz. Quraqtyń túrli órnekterin aishyqtap, tutynýshynyń talǵamyna sai tapsyrystar qabyldaimyz. Qazirgi tańda ulttyq naqyshtaǵy buiymdarymyzǵa, ásirese, qyz jasaýy men kórpeshe, jastyq, qorjyndarǵa suranys joǵary, – deidi Qarlyǵash Dolasheva.
Anasyna qoldaý bildirip, bir jaǵyna shyǵysqan júrgen jas kásipker Jazerke Naǵyzbekqyzy:
– Jańadan kásibin ashyp, biznes-ideiany tańdaý, biznes-jospar ázirleý, satýdy jolǵa qoiý – munyń bári ońai sharýa emes. Kásippen ainalysý úlken táýekeldilikti talap etedi. Bizde anammen birge kásip ashý týraly sheshimge kelip, óz isimizdi ashtyq.
Árine, alǵashqy ailarda birqatar qiyndyqtarmen kezigip, sol arqyly biraz tájirbie jinadyq. Qazir jańa tehnologiialardyń zamany. Men anama tek tigin tigý jaǵynan ǵana emes, daiyn ónimderin áleýmettik jelilerge ornalastyrýǵa da kómektesemin.
Jarnama naryǵyn da zerttep, halyqqa qolaily qyzmet túrin usynýǵa kúsh salýdamyz. Qolóner ortalyǵymyzda túrli zamanaýi úlgidegi materialdardy paidalana otyryp, toi-tomalaqtarǵa arnalǵan syi-syiapattardy da daiyndaýǵa múmkindigimiz bar. Sondai-aq tiginshilerimizdiń jumysyn jeńildetý maqsatynda qural-jabdyqtarymyzdyń qoryn keńeitý qajettiligi de týyndap otyr.
Sheberhana ujymynyń ónimderi tek Tekelide ǵana emes, týristerdiń de arasynda suranysqa ie. Máselen Túrkiia, Germaniiadan kelgen qonaqtar qazaqi naqyshtaǵy buiymdarǵa tapsyrys berip, qyzyǵýshylyq tanytqan. Shet elderge kádesyi retinde ulttyq buiymdaryn alatyn turaqty tutynýshylary da az emes.
Naryqta ózderin ornyqtyryp kele jatqan qolóner sheberhanasynyń ujymy jýyrda oblys ortalyǵynda ótken isker áielderdiń óńiraralyq forýmyna qatysyp, «Quraq kórpe» nominatsiiasy boiynsha arnaiy diplommen jáne aqshalai syilyqpen marapattalǵan.
Dál osy forýmda «Quraq kórpe» atalymy boiynsha marapat alǵan qolónershiniń taǵy biri – sarqandyq Nazigúl Batyrhan. Alǵashqy tigin jumystaryn quraq kórpe tigýden bastaǵan kóp balaly ana taýar túrlerin birte-birte kóbeite tústi. Qazir tutynýshylarǵa úi intererin bezendirýge arnalǵan stildi aksessýarlar usyna bastady.
Solardyń biri – «Úi tumary». Ulttyq tumarlar Nazigúldiń tigin ónerindegi ózine tán ereksheligi dese de bolady. Olardyń árqaisysy tek tús úilesimine ǵana emes, sonymen qatar semantikalyq mazmunymen de ózgeshelenedi.
Aldymen Nazigúl tek óziniń otbasy men týystary úshin tigetin, birte-birte súiikti isi tabys ákeletin shaǵyn bizneske ulasty. Ázirge tapsyrystar ózi turatyn Sarqan qalasyny turǵyndarynan túsedi, biraq isin jańa bastaǵan áiel munymen shektelmekshi emes. Birinshi kezekte Sarqan aýdanynyń isker áielder keńesiniń quramyna kirip, áriptesterin nátijesimen qýantty. Jaqynda Taldyqorǵanda ótken «Óńirdiń turaqty damýyndaǵy áielder bastamalary» atty óńiraralyq isker áielder forýmyna qatysyp, óz jumystaryn tanystyryp, forým aiasynda uiymdastyrylǵan «Quraq kórpe» baiqaýynyń jeńimpazy atandy. 100 myń teńgeniń sertifikaty men diplomyn alyp, laiyqty marapatqa ie boldy. Jalpy bul baiqaýǵa Jetisý oblysy men Almaty oblysynyń 57 qolónershisi qatysyp, 150-den astam jumys usynylǵan bolatyn.
– Tigin tsehyn ashýdy armandaimyn, onda kórpeden bólek túrli ulttyq kiimder men úige arnalǵan áshekeiler jasaityn bolamyn. Osylaisha dástúrli qazaq qolónerin saqtaýǵa jáne quraq tigýdi nasihattaýǵa úles qossam deimin.
Qazir balalarǵa arnalǵan ulttyq kiimder men úige matadan jasalǵan tumarlar tigemin. Olar ulttyq órnektermen, ashyq tústi monshaqtarmen, úki qaýyrsyndarymen bezendirilgen túrli pishinde, árqily túste daiyndalady. Mysaly, shańyraq nemese dombyra túrindegisi de bar. Bul jai ǵana bezendirý emes, tabysqa jetkizetin, órkendeýge bastaityn, sondai-aq jaǵymsyz energiiadan qorǵaityn tumarlar deýge bolady. Sebebi adamnyń óz qolymen jasaǵan zattarynda qol eńbegi ǵana emes, ónerpazdyń rýhani energiiasy da mórlenip turady, – deidi Nazigúl Batyrhan.
