Bilsek, Han naǵyz jemqordyń ózi eken. Qyrýar qarjyny qaltasyna basypty. «Aqsha álemdi bileidi» dep oilaityn ataqty milliarderdi ólim jazasyna kesken Qytai biligi osylaisha zań aldynda barlyq adamnyń birdei ekenin kórsetti.
South China Morning Post basylymynyń habarlaýynsha Liý Hanǵa qatysty úkim byltyrǵy jyldyń mamyrynda shyǵyp qoiǵan. Demek, ol osy kúnge deiin «tiri ólik» sanalyp kelgen nemese buiryq shyqqan kúnnen bastap onyń kúshine enetin kezine deiin óziniń ólim sátin kútip kelgen...
Tergeýshileri neni anyqtady deisiz ǵoi? Qytaidyń eń qaltaly adamdarynyń biri «OPG-ymen» ainalysqan, iaǵni, uiymdasqan qylmystyq top qurǵan. Bul top Hannyń ózi siiaqty aqshaly adamdardy tonaýmen, zańsyz kazino biznesimen jáne qarý-jaraq satýmen ainalysqan.
Milliarder tek ólim jazasymen ǵana qutylmaǵan. Onyń álgi kompaniiasyna Qytai úkimeti bank nesiesin alý úshin teris aqparat kórsetkeni úshin 300 mln iýan aiyp salǵan.
Aitpaqshy, Liý Hanmen birge onyń taǵy tórt sybailasy ólim jazasyna kesildi.
Qytai aqparat quraldarynyń habarlaýynsha Liý Han eldegi memlekettik qaýipsizdiktiń eks-jetekshisi Chjoý Iýnkanmen bailanysta bolǵan. Sodan da bolar talai tuzaqtan aman qalǵan... Biraq, aqyry ustalyp tyndy.
Onyń sybailasy Iýnkanda jazadan qutylmaidy. Qytai biligi ony da jemqor dep taýypty. Tergeý málimetine qaraǵanda, memlekettik qaýipsizdiktiń eks-jetekshisi para alǵan jáne biliktegi biik oryndarǵa óziniń tanystary men týysqandaryn otyrǵyzǵan.
Qytaidyń bizden bir erekshiligi – jemqorlar laiyqty jazasyn aldy. Bizde qalai nemese Liý Han siiaqty tairańdap júrgender qanshama?..
