Bizdiń bilýimizshe atalǵan zań osy kúnge deiin 20 shaqty ret ózgeriske túsken. Zańnyń óńdelýine, ózgeriske túsýine álemdik ahýal, halyqaralyq tájiribe áser etken.
«Jasyl ekonomikamen» bailanysty jobalar elimizde eń alǵashqy ret 2014 jyly paida boldy. Sol ýaqyttan kúni búgingi deiin elimizdegi qaita qalpyna keletin qýat kózderiniń úlesi 8 esege ósken.
Energetika ministrligine qarasty Jańartylatyn energiia kózderi departamentiniń basshysy Abai Qulanbaidyń aitýynsha 2014 jyly qýattylyǵy 170 MVt bolatyn eń alǵashqy stantsiia ashylsa, búgingi tańda mundai stantsiialardyń sany 140-qa jýyqtaidy. Bulardyń jalpy qýaty 2000 MVt-dan asyp jyǵylady.
Jiktep aitar bolsaq, qazirgi kúni Qazaqstanda:
- Qýattylyǵy 1098 MVt-ny quraityn 52 kún elektr stantsiiasy;
- Qýaty 300 MVt-ǵa jýyqtaityn 40 gidrostantsiia;
- Qýaty 684 MVt-ny quraityn 40 jel elektr stantsiiasy jáne de
- Qýaty 8 MVt 5 biostantsiia bar.
2014 jyldan kúni búginge deiin atalǵan salada 10 myńnan asa ýaqytsha jumys jáne 2000 turaqty jumys orny qurylǵan. Sońǵy birneshe jyldyń bederinde elimizdegi irgeli oqý oryndarynda «jasyl energiianyń» qyr-syryn úiretetin mamandyqtar ashylǵan.
«Balamaly energiia kózderine degen suranys artyp keledi. Joǵary oqý oryndary da bul tendentsiiadan qalys qalǵysy kelmeidi. Ýniversitetterde osy salanyń mamandaryn tárbieleitin fakýltetter kóptep ashylýda», – deidi Abai Qulanbai.
Onyń atap ótkenindei Qazaqstandaǵy jańartylatyn energiia kózderin damytýǵa investorlar qyzyǵýshylyq tanytyp, atalǵan salaǵa osy kúnge deiin 1 trln teńge investitsiia quiylǵan.
«Bul salany damytýǵa biýdjet tarapynan bir tiyn da shyǵyn shyqqan joq jáne osy úrdisti saqtap qalýǵa múddelimiz. Biletin bolsańyzdar, osydan birshama ýaqyt buryn energetikalyq balansqa qatysty mańyzdy sheshim qabyldandy. Jańartylatyn qýat kózderi týraly aitqanda Qazaqstannyń kóbine-kóp jel elektr stantsiialarynyń qurylysyna basymdyq beretinin aitý ketý kerek. Kópshilikke munyń sebebin túsindire keteiin.
Jańartylatyn energiia kózderiniń keńistigin keńeitý úshin aldymen olardyń áleýetine, ekonomikaǵa qandai paidasyn tigizerine baǵa beremiz. Al elimizdegi jel energiiasy potentsialy óte aýqymda, jel energiiasynyń potentsialy jóninen bizdiń álem boiynsha TOP-10 tiziminde tur», – deidi maman.
Abai Qulanbai bolashaqta 920 mlrd kVt saǵat energiiany jeldiń kómegimen alatyn bolamyz. Elimizdiń shyǵys aimaǵynyń gidroáleýeti joǵary. Ol jaqta 662 mlrd kVt saǵat qýat óndiretin múmkindigimiz bar.
«Elimizde qýaty 1GVT-ty quraityn kún stantsiialary jumys istep tur. Bul salaǵa investordyń kómegi eshqashan artyq etpeidi. Sebebi, mundai stantsiialardyń qurylys júrgizý qomaqty qarjyny qajet etedi. Máselen 1 GVt kún elektr stantsiiasyn salý 600 myńnan 800 myń dollardyń aralyǵynda turady. Al jel elektr stantsiiasyn kem degende 1-1,5 mln dollar qarajat qajet. Sý stantsiialarynyń baǵasy 1,5-2 mln dollardyń arasynda turady», – deidi sarapshy.
https://dalanews.kz/kogam/80522-zhastar-rukhy-zhastarga-arnalgan-alga
