– Jańa oqý jylyna áleýmettik osal toptaǵy otbasy balalaryn (52 myńnan astam) mektep formasymen jáne mektep quraldarymen qamtamasyz etý úshin oblystyq búdjetten 1,9 mlrd teńge qarjy bólindi. Odan bólek, ystyq tamaq pen jazǵy demalysqa da qarjy qaraldy.
Sondaı-aq, kóp balaly, jetim jáne ata-ana qaraýynsyz qalǵan balalar da kómeksiz qalmaıdy. Olar úshin arnaıy «Mektepke jol» qaıyrymdylyq aksıasy ótýde. Aksıanyń 15 kúninde oblys boıynsha 778 balaǵa jalpy 19 mln 309 myń teńgege demeýshiler tarapynan materıaldyq kómek berildi. Atap óter jaıt, aksıa sheńberinde kóp balaly otbasylardyń barlyq balalaryna meılinshe kómek kórsetý kózdelip otyr, – dedi basqarma basshysy.
Dinıslam Bolathanulynyń málimdeýinshe, 7 534 jetim jáne ata-anasynyń qamqorlyǵynsyz qalǵan balaǵa 265,7 mln teńge shilde aıynda bólingen. Al 45 126 balaǵa 1,6 mlrd teńge tamyz aıynda bólindi.
Sonymen qatar, oblystaǵy ekonomıkalyq esepteýler boıynsha ár balaǵa mektep formasyna 35 275 teńgeden jáne mektepke kerekti quralmen qosa eseptegende jalpy 37 389 teńge beriledi.
Aıta keteıik, mektep formasyna ótinish bala oqıtyn mekteptiń dırektoryna óz sanatyn belgileı otyryp jazylady. Mektepte qurylatyn komısıanyń qaraýy negizinde aqsha balanyń ata-anasynyń esep shotyna aýdarylady.
Eske salsaq, «Mektepke jol» aksıasy 1 tamyzdan bastalyp, osy jyldyń 30 qyrkúıegine deıin jalǵasady. Al demeýshi bolýǵa nıetti jandar Basqarmanyń +7(707)-684-71-00 baılanys telefonyna habarlasa alady.
