Ekonomist jáne Uchet.kz-nyń quryltaishsy Maksim Baryshev Qasym-Jomart Toqaevtyń qol qoiýynda jatqan jańa Salyq kodeksine qatysty Memleket basshysyna júgindi. Ol muny bankrottyqqa, jumyssyzdar ósimine jáne ekonomikalyq toqyraýǵa qarai jasalǵan qadam dep sanaidy, dep habarlaidy Dalanews.kz.
Bul týraly ekonomist LS basylymyna bergen suqbatynda aitty.
Baryshev qosymsha qun salyǵyn (QQS) 16%-ǵa deiin ósýine jáne eńbekaqy tóleý qoryna túsetin júktemeniń artýyna bailanysty óz alańdaýshylyǵyn bildirdi. Ol mundai jaǵdai biznesti bankrottyqqa, jumyssyzdar sanynyń artýyna jáne ekonomikanyń toqyraýyna ákelip soǵatynyn eskertedi.
"QQS 16%-ǵa deiin artady, eńbekaqy tóleý qoryna túsetin júkteme óte joǵary bolady, onyń ishinde OPVR men MÁMS 40% - dan astamyn quraidy. Biznes kóbirek salyq tóleitin bolady jáne damýǵa aqsha qalmaidy", – deidi ekonomist.
Sondai-aq ol avanstyq tólemderge de nazar aýdardy. Onyń aitýynsha, QQS-ty aldyn ala tóleý degen absýrd.
"Sonda taýardy satqanǵa deiin salyq tóleisiz be? Bul shaǵyn biznes pen óndiristi «óltirip tynady», óitkeni olarda salynǵan aqshanyń óteý tsikli uzaqmerzimge ie ári alatyn marjasy da mardymsyz. QQS-ty aldyn ala tóleý janama salyq retinde qosylǵan qun salyǵynyń mánine de qaishy keledi, onda tólemniń bul túri túpkilikti tutynýshyǵa artylady", – dep atap ótti Baryshev.
Sondai-aq, ol B2B syndy jeńildikke tyiym salý 200 myńnan astam biznes úshin qatań úkim bolady, olar ary qarai jumys istei almaidy dep sanaidy. Bul jaldaý, qyzmet kórsetý, shaǵyn óndirispen ainalysatyndarǵa áser etedi. Saldarynan Baryshevtiń aitýynsha, bul el ishindegi jetkizý tizbeginiń buzylýyna ákelip soǵady.
"Millionǵa deiingi jumys oryndaryna qaýip tónip tur. Biz jeńildikter surap otyrǵa otyrǵanymyz joq. Biz aqylǵa qonymdy sheshimder qabyldaýdy suraimyz: QQS mólsherlemesin kúrt kótermeýdi, ol boiynsha aldyn ala tólem jasaýdy boldyrmaýdy, ońaily jolmen jumys isteitinderge B2B jeńildigin saqtaýdy degendei", – deidi ol Memleket basshysyna.
Ekonomit Prezident biznestiń artyp otyrǵan sońǵy úmiti ekenin atap ótti. Qazir qujat Memleket basshysynyń aldynda jatyr.
2025 jylǵy 25 maýsymda QR Parlamenti jańa Salyq kodeksin qabyldady. Qujatqa sáikes, QQS salalar boiynsha differentsiialdy yqtimaldylyqta 12%-dan 16%-ǵa deiin kóterilmek. Máselen, fermerler úshin QQS esepke alý úlesi 70%-dan 80%-ǵa deiin ulǵaitylatyn bolady. Dári-dármekter, meditsinalyq buiymdar jáne meditsinalyq qyzmetter úshin 2026 jyldan bastap QQS-tiń tómendetilgen mólsherlemesi – 5%, 2027 jyldan bastap – 10% kóleminde engiziledi.
Aita ketsek,buǵan deiin saitymyzda "Qarjyger-maman: Jańa Salyq kodeksin Memleket basshysy qabyldamai tastaýy da múmkin" degen maqala jariialanǵan bolatyn. Sondai-aq bizden "Qabyldanbai jatyp, qaita ózgerýi múmkin": Úkimet salyq reformasyna kúmánmen qarai bastady" degen materialdy da oqi alasyzdar.
