ەكونوميست جانە Uchet.kz-نىڭ قۇرىلتايشسى ماكسيم بارىشيەۆ قاسىم-جومارت توقايەۆتىڭ قول قويۋىندا جاتقان جاڭا سالىق كودەكسىنە قاتىستى مەملەكەت باسشىسىنا جۇگىندى. ول مۇنى بانكروتتىققا، جۇمىسسىزدار وسىمىنە جانە ەكونوميكالىق توقىراۋعا قاراي جاسالعان قادام دەپ سانايدى، دەپ حابارلايدى Dalanews.kz.
بۇل تۋرالى ەكونوميست LS باسىلىمىنا بەرگەن سۇقباتىندا ايتتى.
بارىشيەۆ قوسىمشا قۇن سالىعىن (ققس) 16%-عا دەيىن وسۋىنە جانە ەڭبەكاقى تولەۋ قورىنا تۇسەتىن جۇكتەمەنىڭ ارتۋىنا بايلانىستى ءوز الاڭداۋشىلىعىن ءبىلدىردى. ول مۇنداي جاعداي بيزنەستى بانكروتتىققا، جۇمىسسىزدار سانىنىڭ ارتۋىنا جانە ەكونوميكانىڭ توقىراۋىنا اكەلىپ سوعاتىنىن ەسكەرتەدى.
"ققس 16%-عا دەيىن ارتادى، ەڭبەكاقى تولەۋ قورىنا تۇسەتىن جۇكتەمە وتە جوعارى بولادى، ونىڭ ىشىندە وپۆر مەن ءمامس 40% - دان استامىن قۇرايدى. بيزنەس كوبىرەك سالىق تولەيتىن بولادى جانە دامۋعا اقشا قالمايدى"، – دەيدى ەكونوميست.
سونداي-اق ول اۆانستىق تولەمدەرگە دە نازار اۋداردى. ونىڭ ايتۋىنشا، ققس-تى الدىن الا تولەۋ دەگەن ابسۋرد.
"سوندا تاۋاردى ساتقانعا دەيىن سالىق تولەيسىز بە؟ بۇل شاعىن بيزنەس پەن ءوندىرىستى «ءولتىرىپ تىنادى»، ويتكەنى ولاردا سالىنعان اقشانىڭ وتەۋ سيكلى ۇزاقمەرزىمگە يە ءارى الاتىن مارجاسى دا ماردىمسىز. ققس-تى الدىن الا تولەۋ جاناما سالىق رەتىندە قوسىلعان قۇن سالىعىنىڭ مانىنە دە قايشى كەلەدى، وندا تولەمنىڭ بۇل ءتۇرى تۇپكىلىكتى تۇتىنۋشىعا ارتىلادى"، – دەپ اتاپ ءوتتى بارىشيەۆ.
سونداي-اق، ول B2B سىندى جەڭىلدىككە تىيىم سالۋ 200 مىڭنان استام بيزنەس ءۇشىن قاتاڭ ۇكىم بولادى، ولار ارى قاراي جۇمىس ىستەي المايدى دەپ سانايدى. بۇل جالداۋ، قىزمەت كورسەتۋ، شاعىن وندىرىسپەن اينالىساتىندارعا اسەر ەتەدى. سالدارىنان بارىشيەۆتىڭ ايتۋىنشا، بۇل ەل ىشىندەگى جەتكىزۋ تىزبەگىنىڭ بۇزىلۋىنا اكەلىپ سوعادى.
"ميلليونعا دەيىنگى جۇمىس ورىندارىنا ءقاۋىپ ءتونىپ تۇر. ءبىز جەڭىلدىكتەر سۇراپ وتىرعا وتىرعانىمىز جوق. ءبىز اقىلعا قونىمدى شەشىمدەر قابىلداۋدى سۇرايمىز: ققس مولشەرلەمەسىن كۇرت كوتەرمەۋءدى، ول بويىنشا الدىن الا تولەم جاساۋدى بولدىرماۋدى، وڭايلى جولمەن جۇمىس ىستەيتىندەرگە B2B جەڭىلدىگىن ساقتاۋدى دەگەندەي"، – دەيدى ول مەملەكەت باسشىسىنا.
ەكونوميت پرەزيدەنت بيزنەسءتىڭ ارتىپ وتىرعان سوڭعى ءۇمىتءى ەكەنىن اتاپ ءوتتى. ءقازىر قۇجات مەملەكەت باسشىسىنىڭ الدىندا جاتىر.
2025 جىلعى 25 ماۋسىمدا ق ر پارلامەنتى جاڭا سالىق كودەكسىن قابىلدادى. قۇجاتقا سايكەس، ققس سالالار بويىنشا ديففەرەنسيالدى ىقتيمالدىلىقتا 12%-دان 16%-عا دەيىن كوتەرىلمەك. ماسەلەن، فەرمەرلەر ءۇشىن ققس ەسەپكە الۋ ۇلەسى 70%-دان 80%-عا دەيىن ۇلعايتىلاتىن بولادى. ءدارى-دارمەكتەر، مەديسينالىق بۇيىمدار جانە مەديسينالىق قىزمەتتەر ءۇشىن 2026 جىلدان باستاپ ققسء-تىڭ تومەندەتىلگەن مولشەرلەمەسى – 5%، 2027 جىلدان باستاپ – 10% كولەمىندە ەنگىزىلەدى.
ايتا كەتسەك،بۇعان دەيىن سايتىمىزدا "قارجىگەر-مامان: جاڭا سالىق كودەكسىن مەملەكەت باسشىسى قابىلداماي تاستاۋى دا مۇمكىن" دەگەن ماقالا جاريالانعان بولاتىن. سونداي-اق بىزدەن "قابىلدانباي جاتىپ، قايتا وزگەرۋى مۇمكىن": ۇكىمەت سالىق رەفورماسىنا كۇمانمەن قاراي باستادى" دەگەن ماتەريالدى دا وقي الاسىزدار.
