Monopoliiaǵa qarsy organ "Fly Arystan" áýe tasymaldaýshysy tarapynan ústem jaǵdaidy teris paidalaný belgilerin anyqtady. Taldaý barysynda aviabiletterdiń quny brondaýdyń ártúrli kezeńderinde avtomatty túrde qosylatyn jasyryn qosymsha aqylar esebinen óskeni anyqtaldy, dep habarlaidy Dalanews.kz QR Básekelestikti qorǵaý jáne damytý agentigine silteme jasai otyryp.
"Aviatasymaldaýshy áýe biletterin satý kezinde tranzaktsiia úshin komissiia alý arqyly áýe biletiniń qunyn arttyrǵan. Bul "drip pricing" dep atalady, demek, "tamshylap baǵa ósirgen". Negizinen eýropalyq zańnamada buǵan múldem tyiym salynǵan. Osy faktilerdi biz anyqtap, aviatasymaldaýshyǵa qatysty monopoliiaǵa qarsy zańnamany buzýdy toqtatý týraly habarlama joldadyq. Ol keiinnen oryndaldy", - dedi Básekelestikti qorǵaý jáne damytý agenttiginiń Tóraǵasy Marat Omarov BQDA alqa otyrysynda.
Qazirgi ýaqytta agenttik ishki aviatasymaldar naryǵyna qatysty monopoliiaǵa qarsy taldaý júrgizip jatqany da naqtylanady.
Buǵan deiin balany áýejaida jalǵyz qaldyryp ketken Air Astana áýe kompaniiasy ótemaqy tólegenin jazǵanbyz. Sondai-aq 2024 jyly kúzde jolaýshylar quqyǵyn buzǵan Fly Arystan áýe kompaniiasyna 3,5 million teńge kóleminde aiyppul salynǵany belgili.
