Endi Qazaqstan azamattary zeınetaqy jınaǵynyń bir bóligin bala emine paıdalana alady. Osyndaı ózgeristi qamtıtyn buıryqqa Densaýlyq saqtaý mınıstri Aqmaral Álnazarova 2025 jylǵy 9 sáýirde qol qoıdy. Jańa ózgeriske sáıkes, bala emine zeınetaqy jıǵanyn qalaı paıdalanýǵa bolady? Bul saýalǵa jan-jaqty ári tyńǵylyqty jaýapty Dalanews.kz saıtynyń osy materıalynan oqyp-bile otyryńyzdar.

1. Eń aldymen, emdelý úshin zeınetaqy jınaqtarynyń birjolǵy tólemderin paıdalaný maqsatynda ótinish berýshi nemese onyń zańdy ókili Biryńǵaı jınaqtaýshy zeınetaqy qorynan (BJZQ) emdelýge aqsha alý úshin qoljetimdi mindetti zeınetaqy jarnalary esebinen zeınetaqy jınaqtarynyń somasy týraly aqparatty óz betinshe alady.
2. Ótinish berýshi nemese onyń zańdy ókili elektrondyq sıfrlyq qoltańba (ESQ) arqyly ýákiletti operatordyń ınternet-resýrsynda avtorızasıadan ótip, jeke kabınet ashady jáne onda Áleýmettik kodekstiń 224-babynyń 4-tarmaǵyna sáıkes, somasy men paıdalaný maqsatyn kórsete otyryp, emdelýge arnalǵan birjolǵy zeınetaqy tólemin alý úshin elektrondyq ótinishti ESQ arqyly kýálandyra otyryp, toltyrady.
3. Eger óziniń emes, jubaıynyń nemese jaqyn týystarynyń birjolǵy zeınetaqy tólemderin paıdalanatyn bolsa, taraptar ótinish berýshiniń jeke kabınetinde zeınetaqy tólemderin berý týraly kelisim jasaıdy, bul kelisim olardyń ESQ-symen rastalady jáne erli-zaıypty nemese týystyq qatynastardy rastaıtyn qujattar qosa usynylady. Birjolǵy zeınetaqy tólemderin kámeletke tolmaǵan balalardyń emdelýine medısınalyq qyzmetterdi tóleý úshin paıdalanýǵa ruqsat etiledi.
4. Em alýshy nemese onyń zańdy ókili medısınalyq qyzmetter úshin arnaıy shotqa aqsha túskennen keıin medısınalyq uıymdy, onyń ishinde sheteldik uıymdy tańdaıdy jáne medısınalyq qyzmetter alý úshin ózine bekitilgen medısınalyq uıymǵa baryp, Áleýmettik kodekstiń 220-babynyń 3-tarmaǵynda belgilengen talaptarǵa sáıkes, dárigerlik-konsýltasıalyq komısıanyń (DKK) qorytyndysyn alý úshin ótinish beredi jáne ótinishke em alýshynyń jeke kýáliginiń kóshirmesi men profıldik mamannyń qorytyndysyn qosa usynady. DKK qyzmeti QR Densaýlyq saqtaý mınıstriniń 2022 jylǵy 7 sáýirdegi № QR DSM-34 "Dárigerlik-konsýltasıalyq komısıa qyzmeti týraly erejeni bekitý týraly" buıryǵyna sáıkes júzege asyrylady.

Jańa ózgeristerge sáıkes, zeınetaqy jınaqtary esebinen stomatologıalyq qyzmetterdi alý tártibi de belgilendi.

1. Stomatologıalyq qyzmet kórsetý kezinde komısıa profıldik mamannyń qorytyndysyn jáne usynylǵan medısınalyq qujattardy zerdelep, QR Densaýlyq saqtaý mınıstri mindetin atqarýshynyń 2020 jylǵy 30 qazandaǵy № QR DSM-175/2020 "Densaýlyq saqtaý salasyndaǵy esepke alý qujattarynyń nysandaryn jáne olardy toltyrý boıynsha nusqaýlyqtardy bekitý týraly" buıryǵyna sáıkes, 026/ý nysany boıynsha DKK qorytyndysyn beredi.
2. Stomatologıalyq qyzmet kórsetken kezde DKK quramyna stomatolog-dáriger kiredi, ol eki kezeńnen turatyn usynylǵan emdeý josparyn, emdeýge deıingi jáne emdeý kezindegi rentgen-sýretterdi zertteıdi, stomatologıalyq uıymnyń medısınalyq qyzmetke lısenzıasynyń bar-joǵyn tekseredi jáne DKK úshin qorytyndy daıyndaıdy.

a) ımplantasıamen stomatologıalyq qyzmetter kórsetilgende, em alýshy nemese onyń zańdy ókili DKK qorytyndysyn eki kezeńde alady: emdelýge deıin jáne ortopedıalyq konstrýksıalardy sońǵy ornatý aldynda.

b) ımplantasıasyz protezdeý kezinde stomatologıalyq qyzmetter alǵan kezde em alýshy nemese onyń zańdy ókili DKK qorytyndysyn eki kezeńde alady: bekitilmeıtin tis protezderin ornatqanda – protezdeý bastalǵanǵa deıin jáne protezderdi aqtyq bekitý aldyndaǵy sáıkestendirý kezeńinde, al bekitiletin protezderdi ornatqanda – protezdeý bastalǵanǵa deıin jáne protezderdi ornatar aldynda.

DKK qorytyndysyn berýge negiz osy erejelerdiń 1-qosymshasyna sáıkes, birjolǵy zeınetaqy tólemderi esebinen tólenetin medısınalyq qyzmetterdi kórsetýge arnalǵan medısınalyq kórsetkishter bolyp tabylady.

Stomatologıalyq qyzmetter alý úshin alýshy nemese onyń zańdy ókili qujattardy bekitilgen tizimige sáıkes usynady:

• Dentaldyq ımplantasıa kezinde DKK qorytyndysyn alý úshin emdelýge deıin tekserý jospary, panoramalyq nemese 3D rentgen-sýretter, stomatologıalyq klınıkanyń lısenzıasy usynylady. Eger aldyńǵy ımplantasıadan beri úsh aı ótpese, aldyńǵy baqylaý sýreti paıdalanylady. Eger buryn ımplantasıa jasalmasa, dıagnostıkalyq sýret usynylýy kerek.
• Dentaldyq ımplantasıa kezinde ortopedıalyq konstrýksıalardy ornatý aldynda DKK-nyń qosymsha qorytyndysyn alý úshin dentaldyq ımplant ornatylǵannan keıingi panoramalyq nemese 3D rentgen-sýretter usynylady.
• Protezdeý boıynsha stomatologıalyq qyzmetter kórsetkende, DKK qorytyndysyn alý úshin protezdeý bastalǵanǵa deıin tekserý jospary, panoramalyq nemese 3D rentgen-sýretter, stomatologıalyq klınıkanyń lısenzıasy usynylady.
• Tis protezderin ornatý kezinde DKK-nyń qosymsha qorytyndysyn alý úshin bekitiletin protezderdi sáıkestendirý kezeńindegi baqylaý rentgen-sýreti, al bekitilmeıtin protezderdi ornatar aldynda pasıenttiń aýyz qýysyndaǵy protezben túsken fotosýreti usynylady.
• Medısınalyq uıym qyzmetkeri em alýshyǵa nemese onyń zańdy ókiline DKK qorytyndysyn beredi jáne ony komısıa otyrys yótkizilgen kúnnen bastap 2 jumys kúni ishinde medısınalyq aqparat júıesine 026/ý nysany boıynsha engizedi.
• Em alýshy nemese onyń zańdy ókili stomatologıalyq qyzmetter alýǵa deıin jáne alý barysynda DKK qorytyndylaryn jáne shartty ýákiletti operatorǵa elektrondy túrde joldaıdy. Ýákiletti operator qujattardy alǵannan keıin 5 jumys kúni ishinde medısınalyq uıymnyń shotyna birjolǵy zeınetaqy tólemderin aýdarady.

Stomatologıalyq qyzmetter kórsetý kezinde tólem eki kezeńde júzege asyrylady: hırýrgıalyq emdeý aldynda jáne ortopedıalyq emdeý aldynda.

Birjolǵy zeınetaqy tólemderiniń maqsatty paıdalanylýyn rastaıtyn qujattar:

• 026/ý nysany boıynsha DKK qorytyndysy;
• Medısınalyq qyzmet kórsetý týraly shart (nemese dárilik zattardy satyp alý sharty).

Qujattar durys týralanbaǵan bolsa, qarajat BJZQ-ǵa keri qaıtarylady.

Bul buıryq 27 sáýirden bastap kúshine enedi.

Sóz sońynda, birjolǵy zeınetaqy tólemderi esebinen elimizde qandaı medısınalyq qyzmetterdi alýǵa bolatynyn aıta ketelik:

• dárilik qamtamasyz etýdi qosa alǵanda, densaýlyq saqtaý salasyndaǵy ýákiletti organ aıqyndaıtyn tizbe boıynsha orfandyq aýrýlardy emdeý, sondaı-aq emdeý taktıkasyn aıqyndaý úshin dıagnostıkalyq tekserýler;
• QR aýmaǵynda ornalasqan medısınalyq uıymdarda kórsetiletin stomatologıalyq qyzmetter (tisterdi protezdeý, ımplantasıalaý) ;
•  operasıadan keıingi tyrtyqtar men týa bitken aqaýlardy túzetý maqsatynda, sondaı-aq júrgizilgen mastektomıadan keıin rekonstrýktıvti jáne qalpyna keltirý operasıalary (plasıkalyq) ;
•  radıonýklıdti jáne radıoıodty terapıa;
• radıohırýrgıalyq emdeý (gamma-pyshaq, kıbernog);
• Proton terapıasy;
• oftalmologıalyq qyzmetter (qarashyqqa jasalatyn, lazerlik korreksıa).