Qazaqstanda jumys istep turǵan reseilik kompaniialar sany sońǵy alty jyldaǵy eń tómengi deńgeige jetti, dep habarlaidy Dalanews.kz Ulttyq statistika biýrosyna silteme jasap.
2025 jylǵy 1 sáýirdegi jaǵdai boiynsha elde tirkelgen reseilik kompaniialar sany – 18,4 myń. Bul biylǵy jyldyń basymen salystyrǵanda 495 kompaniiaǵa az.
Sarapshylardyń aitýynsha, bul – 2018 jyldan bergi eń kúrt tómendeý. Reseilik biznestiń ketý úrdisi qatarynan tórtinshi toqsan jalǵasyp otyr. Al buǵan deiingi toǵyz toqsanda olardyń sany turaqty ósip kelgen.
Eń úlken serpin 2022 jylǵy Reseidiń Ýkrainaǵa basyp kirýinen keiin baiqaldy. 2022 jyldyń sáýiri men 2023 jyldyń naýryzy aralyǵynda ár toqsanda eki myńnan astam reseilik kompaniia tirkelip otyrǵan.
Alaida qazir jaǵdai ózgergen:
-
Saýda salasynda jumys isteitin reseilik zańdy tulǵalar sany 7500-ge deiin azaidy (238 kompaniiaǵa kem);
-
Aqparat jáne bailanys salasynda – 2500-ge deiin qysqarǵan (70 kompaniiaǵa kem).
Mamandar muny geosaiasi turaqsyzdyq, sanktsiialyq qysym jáne Qazaqstan naryǵyndaǵy ózgeristermen bailanystyrady.
